அரியலூா்- சென்னைக்கு இரு புதிய பேருந்துகள் இயக்கம்

அரியலூா் மாவட்டம், செந்துறை மற்றும் ஜெயங்கொண்டத்தில் இருந்து சென்னைக்கு இரு புதிய பேருந்துகள் ஞாயிற்றுக்கிழமை தொடக்கிவைக்கப்பட்டன.

செந்துறை பேருந்து நிலையத்தில் தமிழ்நாடு அரசுப் போக்குவரத்துக் கழகம் (திருச்சி மண்டலம்) சாா்பில் நடைபெற்ற நிகழ்ச்சியில் அப்பேருந்துகளை தொடக்கிவைத்து போக்குவரத்துத் துறை அமைச்சா் சா.சி. சிவசங்கா் கூறியது:

செந்துறையில் காலை 9.30 மணிக்கு புறப்படும் அரசுப் பேருந்தானது நாகல்குழி, ஜெயங்கொண்டம், விருத்தாசலம் வழியாக சென்னை மாதவரம் சென்றடையும். மறுமாா்க்கமாக இரவு 10 மணிக்கு அங்கிருந்து புறப்பட்டு, மேற்கண்ட வழித் தடம் வழியாக செந்துறையை வந்தடையும்.

இதேபோல காலை 9.30 மணிக்கு ஜெயங்கொண்டத்திலிருந்து புறப்பட்டு விருத்தாசலம், வழியாக சென்னை கிளாம்பாக்கம் சென்றடையும் பேருந்தானது, இரவு 9.30 மணிக்கு அங்கிருந்து புறப்பட்டு விருத்தாசலம், ஜெயங்கொண்டம், இரும்புலிக்குறிச்சி வழியாக செந்துறை வந்தடையும் என்றாா் அவா்.

நிகழ்ச்சிக்கு ஆட்சியா் பொ. ரத்தினசாமி தலைமை வகித்தாா். தமிழ்நாடு அரசுப் போக்குவரத்துக் கழக நிா்வாக இயக்குநா் இரா. பொன்முடி, பொது மேலாளா் முத்துக்கிருஷ்ணன், துணை மேலாளா் (வணிகம்) சாமிநாதன், கோட்ட மேலாளா் இராமநாதன், ஜெயங்கொண்டம் கிளை மேலாளா் ராம்குமாா் உள்ளிட்டோா் கலந்து கொண்டனா்.