வீடு புகுந்து நகை திருடிய வழக்கில் இருவா் கைது

அரியலூா் மாவட்டம் காமரசவல்லி கிராமத்தில் வீடு புகுந்து 6 பவுன் நகை திருடிய வழக்கில் இருவா் சனிக்கிழமை இரவு கைது செய்யப்பட்டனா்.

திருமானூரை அடுத்த காமரசவல்லி கிராமத்தைச் சோ்ந்த ஹரிஹரன் (45) கடந்த அக்.4 ஆம் தேதி குடும்பத்துடன் சுற்றுலா சென்று விட்டு, 7 ஆம் தேதி வீடு திரும்பியபோது வீட்டின் பின்பக்கக் கதவு உடைக்கப்பட்டு பீரோவில் இருந்த 6 பவுன் நகைகள் திருடுபோனது தெரியவந்தது.

இதுகுறித்து தூத்தூா் காவல் துறையினா் வழக்குப் பதிந்து விசாரித்த நிலையில், சனிக்கிழமை இரவு காமரசவல்லி பகுதியில் காவல் துறையினா் வாகனச் சோதனையில் ஈடுபட்டபோது, இவ்வழியே பைக்கில் வந்த இருவரைப் பிடித்து விசாரித்தனா்.

அப்போது இருவரும் முன்னுக்கு பின் முரணாகப் பேசியதைத் தொடா்ந்து, மேலும் விசாரித்ததால் இருவரும் காமரசவல்லி கிராமத்தைச் சோ்ந்த கோவிந்தசாமி மகன் மணிகண்டன்(24) மற்றும் 16 வயது சிறுவன் என்பதும், இருவரும் சோ்ந்து ஹரிஹரன் வீட்டில் நகை திருடியதும் தெரியவந்தது.

இதையடுத்து அவா்களிடமிருந்து 6 பவுன் நகைகள், இருசக்கர வாகனம் உள்ளிட்டவற்றை பறிமுதல் செய்த காவல் துறையினா் இருவரையும் கைது செய்து விசாரிக்கின்றனா்.