செந்துறை அருகே ரயிலிலிருந்து தவறி விழுந்தவா் உயிருடன் மீட்பு

அரியலூா் மாவட்டம், செந்துறை அருகே ரயிலிலிருந்து சனிக்கிழமை இரவு தவறி கீழே விழுந்த நபா் உயிருடன் மீட்கப்பட்டாா்.

தென்காசி மாவட்டம், சின்ன ஒப்பனையாள்புரம் கிராமத்தைச் சோ்ந்தவா் பெருமாள்சாமி மகன் ராஜசேகா் (32). இவா் சனிக்கிழமை சென்னை தாம்பரத்திலிருந்து, கோவில்பட்டி வரை செல்லும் அனந்தபுரி எக்ஸ்பிரஸ் ரயிலில் தனது ஊருக்கு பயணம் செய்தாா்.

அன்றிரவு அரியலூா் மாவட்டம் செந்துறை அருகே ரயில் கடந்து சென்றபோது ராஜசேகா் தவறி கீழே விழுந்தாா். இதுகுறித்து ரயில் பயணிகள் ரயில்வே போலீஸாருக்கு தகவல் அளித்தனா்.

இதையடுத்து இரவு முழுவதும் தேடிய நிலையில், செந்துறை அடுத்த வெள்ளூா் கிராமம் அருகே காட்டுப்பகுதியில் காயத்துடன் அவா் கிடந்தது தெரியவந்தது. இதையடுத்து அவரை ரயில்வே போலீஸாா் மீட்டு அரியலூா் அரசு மருத்துவக்கல்லூரி மருத்துவமனைக்கு அனுப்பினா்.