‘பழைய ஓய்வூதியத் திட்டத்தை அமல்படுத்த வேண்டும்’

பழைய ஓய்வூதியத் திட்டத்தை அமல்படுத்திட வேண்டும் என்று பள்ளிக் கல்வித் துறை நிா்வாக அலுவலா் சங்க பேரவைக் கூட்டத்தில் தீா்மானம் நிறைவேற்றப்பட்டது.

அரியலூா் சிஎஸ்ஐ மேல்நிலைப் பள்ளி வளாகத்தில், சனிக்கிழமை நடைபெற்ற அச்சங்கத்தின் மாவட்ட பேரவைக் கூட்டம் மற்றும் முப்பெரும் விழாவில் நிறைவேற்றப்பட்ட இதர தீா்மானங்கள்: 10.3.2020-க்கு முன்னா் தகுதி வாய்ந்த இளநிலை உதவியாளா், தட்டச்சா் அனைவருக்கும் நிறுத்தப்பட்ட கணக்குத் தோ்வு தோ்ச்சிக்கான முன் ஊக்க ஊதிய உயா்வு வழங்க வேண்டும். நீதிமன்ற வழக்குகளை கையாள சட்ட அலுவலா் பணியிடம் மாவட்டந்தோறும் உருவாக்கப்பட வேண்டும்.

வட்டாரக் கல்வி அலுவலகங்களுக்கு சொந்தக் கட்டடம் வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்துக்கு, அச்சங்கத்தின் மாவட்டத் தலைவா்(பொ)மு.பாலமுருகன் தலைமை வகித்தாா். மாநிலப் பிரசாரச் செயலா் துரை. சரவணன், கல்வி மாவட்டப் பொறுப்பாளா்கள் அ.அறிவழகன், வெங்கடாசலம், மூத்த ஆலோசகா் இரா.பாண்டியன் ஆகியோா் முன்னிலை வகித்தனா்.

மாநிலத் தலைவா் த.ல.சீனிவாசன் கலந்து கொண்டு புதிதாகத் தோ்வு செய்யப்பட்ட நிா்வாகிகளுக்கு வாழ்த்துரை வழங்கியும், மாநில பொதுச் செயலா் சு.ஹரிபாஸ்கா், பணி ஓய்வு பெற்ற சங்க நிா்வாகிகளை கெளரவித்தும், மாநிலப் பொருளாளா் மா.அருண்குமாா், பதிவு உயா்வு பெற்ற பணியாளா்களை கெளரவித்தும் சிறப்புரையாற்றினா். முன்னதாக மாவட்ட அமைப்பு செயலா் ச.இராசிம்மன் வரவேற்றாா். முடிவில் நிா்வாகி கி.ரீகன் கிரிஸ்டோபா் நன்றி தெரிவித்தாா்.