அறிவியல் உணா்வு வளா்ந்தால் மூடநம்பிக்கைகள் ஒழியும்: அமைச்சா் கோவி. செழியன்

அறிவியல் உணா்வு வளா்ந்தால்தான் நாட்டில் மூடநம்பிக்கைகள் ஒழியும் என உயா்கல்வித் துறை அமைச்சா் கோவி.செழியன் கூறினாா்.

சென்னை கிண்டி பெரியாா் அறிவியல் தொழில்நுட்ப மைய வளாகத்தில் தேசிய அறிவியல் விழாவை அமைச்சா் கோவி.செழியன் தொடங்கி வைத்தாா். மேலும், தமிழ்நாடு அரசு பணியாளா் தோ்வாணையம் (டிஎன்பிஎஸ்சி) மூலம் உயா்கல்வித் துறைக்கு தோ்ந்தெடுக்கப்பட்ட 55 பேருக்கு பணி நியமன ஆணைகளையும் அவா் வழங்கினாா்.

அதேபோல், பள்ளி மாணவா்களிடையே நடைபெற்ற போட்டிகளில் வெற்றி பெற்ற மாணவ, மாணவிகளுக்கு பரிசுகளையும் அமைச்சா் கோவி.செழியன் வழங்கிப் பேசியதாவது: அறிவியல் நம் வாழ்வோடு பின்னிப்பிணைந்தது என்பது நாம் அறிந்ததுதான். அறிவியல் தொழில்நுட்ப மேம்பாடு என்பது சமுதாய வாழ்வின் மேம்பாடு என்றே கூறலாம். அறிவியலைக் கொண்டுதான் சமுதாய வாழ்வின் பிரச்னைகளைத் தீா்க்க வேண்டும்.

அறிவியல் உணா்வு வளரவேண்டும்: அண்மையில் நடைபெற்ற பல்கலைக்கழக வேந்தா்கள் மற்றும் பதிவாளா்களுடனான ஆலோசனைக் கூட்டத்தில், கல்வி நிலையங்களில் அறிவியல் பூா்வமான கருத்துகளும், கல்வியும் மட்டுமே போதிக்கப்பட வேண்டும், எக்காரணத்தைக் கொண்டும் பகுத்தறிவுக்கு ஒவ்வாத கருத்துகளையோ, கட்டுக்கதைகளையோ தவறியும் மாணவா்களிடையே பரப்பிவிடக் கூடாது என்று முதல்வா் மு.க.ஸ்டாலின் வலியுறுத்தினாா். குழந்தைப் பருவம் முதலே அறிவியல் உணா்வை நாம் வளா்க்க வேண்டும். அறிவியல் உணா்வு வளா்ந்தால் தான் நமது நாட்டில் மூடநம்பிக்கைகள் ஒழியும்.

தமிழகம் அறிவியலில் உலகிலேயே முதல் இடத்தைப் பிடிக்க வேண்டும். இதற்காகத்தான் முதல்வா் மு.க.ஸ்டாலின் அறிவியல் ஆய்வுகளை ஊக்குவிக்கும் வகையில் பல்வேறு உதவித் தொகைகளை மாணவா்களுக்காக வழங்கி வருகிறாா்.

அறிவியல் மையம்: இந்த ஆண்டுக்கான நிதிநிலை அறிக்கையில் ரூ.100 கோடி மதிப்பீட்டில் சென்னை பெருநகர வளா்ச்சிக் குழுமம் மற்றும் அரசு பங்களிப்புடன் சென்னை அறிவியல் மையம் உருவாக்கப்படும் என அறிவிக்கப்பட்டது. அதற்கான பூா்வாங்கப் பணிகள் மேற்கொள்ளப்பட்டு வருகின்றன.

மாணவா்களை மேம்படுத்துவதையும், கல்விச் சூழலை வலுப்படுத்துவதையும் நோக்கமாகக் கொண்டு உயா்கல்வித் துறை முக்கிய முயற்சிகளை மேற்கொண்டு வருகிறது. ஆசிரியா்கள், மாணவா்களிடையே அறிவியல் கருத்துகளை பரப்பிட வேண்டும் என்றாா் அவா்.

இந்த நிகழ்ச்சியில், உயா்கல்வித் துறைச் செயலா் சமயமூா்த்தி, கல்லூரி கல்வி ஆணையா் சுந்தரவள்ளி, தொழில்நுட்பக் கல்வி இயக்கக ஆணையா் இன்னசென்ட் திவ்யா, தமிழ்நாடு அறிவியல் தொழில்நுட்ப மைய செயல் இயக்குநா் லெனின் தமிழ்க்கோவன் ஆகியோா் கலந்து கொண்டனா்.