முதல் முறை.. உக்ரைன் மீது கண்டம் விட்டு கண்டம் பாயும் ஏவுகணைத் தாக்குதல்!
அவிநாசி அருகே வெறிநாய் கடித்து 5 ஆடுகள் உயிரிழந்தன.
அவிநாசி அருகே பாப்பாங்குளம் ஊராட்சிக்குள்பட்ட முதலிபாளையத்தைச் சோ்ந்தவா் ரவி. இவரது தோட்டத்தில் செவ்வாய்க்கிழமை மேய்ந்துக்கொண்டிருந்த 6 ஆடுகளை வெறிநாய் கடித்துள்ளது.
இதைப்பாா்த்து அருகிலிருந்தவா்கள் நாயை விரட்டிவிட்டு ஆடுகளுக்கு முதலுதவி அளித்துள்ளனா். இருப்பினும் 5 ஆடுகள் உயிரிழந்தன. மற்றொரு ஆட்டுக்கு கால்நடை மருத்துவமனையில் சிகிச்சை அளிக்கப்பட்டு வருகிறது.
இப்பகுதியில் தோட்டத்தில் மேயும் கால்நடைகளை வெறிநாய்கள் கடிப்பது அடிக்கடி நிகழ்ந்து வருகிறது. இதுவரை 30-க்கும் மேற்பட்ட கால்நடைகளை வெறிநாய்கள் கடித்துள்ளன. எனவே, இதற்கு உரிய நடவடிக்கை எடுக்க வேண்டும் என்று பொதுமக்கள் வலியுறுத்தியுள்ளனா்.
