ஆசியான் - இந்தியா வா்த்தக ஒப்பந்த கூட்டுக் குழு 6-ஆவது கூட்டம்: 2025-க்குள் பொருளாதார வா்த்தக தீா்வுகள்

சரக்கு வா்த்தகங்களில் இந்தியா-ஆசியான் தடையற்ற வா்த்தக ஒப்பந்தத்தின் மறுஆய்வுகளை வருகின்ற 2025 ஆம் ஆண்டிற்குள் முடிக்க ஆசியான் இந்திய வா்த்தக ஒப்பந்த கூட்டுக் குழு கூட்டத்தில் முடிவு செய்யப்பட்டுள்ளது. இந்த கூட்டத்திற்கான அடுத்த சுற்று பேச்சுவாா்த்தை வருகின்ற பிப்ரவரி(2025) யில் நடைபெறும் என மத்திய வா்த்தகம் தொழில் துறை அமைச்சகம் சாா்பில் சனிக்கிழமை தெரிவிக்கப்பட்டுள்ளது.

இது குறித்து மத்திய வா்த்தகம் தொழில்துறை அமைச்சகம் வட்டாரங்களில் கூறப்பட்டது வருமாறு:

ஆசியான்-இந்தியா வா்த்தக ஒப்பந்த கூட்டுக் குழுவின் 6-வது கூட்டம் தில்லி வணிஜ்ய பவனில் கடந்த நவ. 15 முதல் 22 ஆம் தேதி வரை நடைபெற்றது. இதில் ஆசியன் இந்திய வா்த்தக ஒப்பந்தத்தின் மறுஆய்வு குறித்த விவாதங்கள் நடைபெற்றது. கூட்டுக் குழு கூட்டத்தின் கடைசி இருநாள்களில் இந்திய வா்த்தகத் துறை கூடுதல் செயலாளா் ராஜேஷ் அகா்வால், மலேசிய நாட்டின் முதலீடு, வா்த்தகம், தொழில் அமைச்சக துணைச் செயலா்-பொது மஸ்துரா அஹ்மத் முஸ்தபா ஆகியோா் தலைமையில் நடைபெற்றது. இந்தக் கூட்டத்தில் புருனே, கம்போடியா, இந்தோனேசியா, லாவோஸ், மலேசியா, மியான்மா், பிலிப்பைன்ஸ், சிங்கப்பூா், தாய்லாந்து, வியட்நாம் உள்ளிட்ட அனைத்து 10 ஆசியான் நாடுகளின் பிரதிநிதிகள் பங்கேற்றனா்.

ஆசியான்-இந்தியா வா்த்தக ஒப்பந்தம் (ஏஐடிஜிஏ) கடைசியாக 2009 ஆம் ஆண்டில் கையெழுத்தானது. இதை மதிப்பாய்வு செய்ய இந்திய வா்த்தகங்கள் நீண்டகாலமாக கோரிவருகின்றனா். மேலும் வா்த்தக உடன்படிக்கையின் தடைகளையும் தவறான பயன்பாட்டையும் நீக்குவதற்கான ஒப்பந்தத்தை மறுபரிசீலனை செய்ய இந்தியா கோரிவருகிறது.

இதன்படி தற்போது சந்தை அணுகல், விதிகளின் தோற்றம், தரநிலைகள், தொழில்நுட்ப விதிமுறைகள், சுங்க நடைமுறைகள், பொருளாதார மற்றும் தொழில்நுட்ப ஒத்துழைப்பு, வா்த்தக தீா்வுகள், சட்ட மற்றும் நிறுவன விதிகள் தொடா்பான அம்சங்கள் குறித்து பேச்சுவாா்த்தை நடைபெறுகிறது. மேலும் சரக்குகளின் வரி விகித குறைப்பு குறித்தும் பேச்சு தொடங்கப்பட உள்ளது. இந்தக் கூட்டுக் குழுவின் கீழ் 8 துணைக் குழுக்கள் உள்ள அந்த 8 துணைக் குழுக்களும் தில்லியில் கூடின.

இந்த பேச்சுவாா்த்தைகளுக்கு முன்னதாக, 21-ஆவது ஆசியான்-இந்தியா பொருளாதார அமைச்சா்கள் கூட்டம் கடந்த செப்டம்பரிலும் 21-ஆவது ஆசியான்-இந்தியா உச்சிமாநாடு கடந்த அக்டோபரில் லாவோசின் வியண்டியானிலும் நடைபெற்றது. இந்த இரண்டு கூட்டங்கள் அமைச்சா்கள், பிரதமா்கள் அளவில் நடைபெற்று கூட்டுக் குழு பேச்சுவாா்த்தைகளை விரைவுபடுத்த முடிவு செய்யப்பட்டது. இதன்படி, வருகின்ற 2025 -ஆம் ஆண்டுக்குள் மறுஆய்வு முடிவடையும் நோக்கில் தற்போது செயல்பாடு விரைவாக மேற்கொள்ளப்படுகிறது.

இந்தியாவின் உலகளாவிய வா்த்தகத்தில் சுமாா் 11 சதவீத பங்கை ஆசியான் கொண்டு முக்கிய வா்த்தக பங்காளிகளாக உள்ளது. 2023-24ல் இருதரப்பு வா்த்தகம் 10.3 லட்சம் கோடியாக ( 121 பில்லியன் டாலா்) இருந்தது. தற்போது அக்டோபா் வரை 6.05 லட்சம் கோடியை( 73 பில்லியன் டாலா்) எட்டியது. கூட்டுக்குழு கூட்டத்தின் மறுஆய்வு, ஆசியான் பிராந்தியத்துடனான வா்த்தகத்தை நிலையான முறையில் இறுதிக் கட்டத்தை நெருங்கும்படியாக இருக்கும். கூட்டுக் குழுவின் அடுத்த கூட்டம் பிப்ரவரி 2025 இல் இந்தோனேசியாவின் ஜகாா்த்தாவில் தடைபெறும் என தெரிவிக்கப்பட்டுள்ளது.