தில்லியில் மாசு அளவு அதிகரிப்பால் செல்லப்பிராணிகள், தெரு விலங்குகள் அவதி

தில்லியில் அதிகரித்து வரும் மாசு அளவு காரணமாக பொதுமக்கள் வீடுகளில் வளா்க்கும் செல்லப்பிராணிகளும், தெரு விலங்குகளும் அவதிக்குள்ளாகி வருகின்றன. இதனால் ஏற்படும் உடல்நலப் பிரச்னைகள் மற்றும் நடத்தை மாற்றங்கள் ஆகியவை செல்லப்பிராணி உரிமையாளா்கள் மற்றும் விலங்கு நல ஆா்வலா்களை கவலையடையச் செய்வதாக கால்நடை மருத்துவா்கள் தெரிவித்தனா்.

நகரத்தின் மோசமான காற்றின் தரம் காரணமாக இருமல், தும்மல், வாந்தி, வயிற்றுப்போக்கு மற்றும் மாா்பு இறுக்கம் போன்ற அறிகுறிகளுடன் பல விலங்குகள் சுவாச பிரச்னைகளை எதிா்கொள்வதாகவும் அவா்கள் தெரிவித்தனா்.

தில்லி வனம் மற்றும் வனவிலங்குத் துறையின் ஆலோசனை கால்நடை மருத்துவா் சுமித் நாகா் கூறுகையில், விலங்குகளுக்கு சுவாசக் கோளாறு ஏற்படுவது அதிகரித்துள்ளது.

மூச்சுத் திணறல், நுரையீரல் பாதிப்பு மற்றும் சுவாச அழற்சி உள்ளிட்ட மனிதா்களைப் போன்ற பிரச்னைகளை விலங்குகளும் எதிா்கொள்கின்றன. தீபாவளியின் போது, ஒலி மாசுபாடு காரணமாக அதிா்ச்சி மற்றும் தீக்காயங்கள், குறிப்பாக தற்செயலாக கம்பிகளைத் தொடும் குரங்குகள் அதிா்ச்சிக்கு உள்ளாவது போன்ற நிகழ்வுகளும் இருந்தன.

செல்லப்பிராணி உரிமையாளா்கள் தங்கள் செல்லப்பிராணிகளை நச்சுக் காற்றிலிருந்து பாதுகாக்க வெளிப்புற நடைப்பயிற்சிகளை கட்டுப்படுத்துவது போன்ற நடவடிக்கைகளை எடுத்து வருகின்றனா்.

ஆனால், இது சில வகை நாய்களில் நடத்தையில் மாற்றத்தை ஏற்படுத்தும் சூழலுக்கும் வழிவகுத்தன என்றாா் அவா்.

பீதம்புராவில் வசிக்கும் சுஜாதா பட்டாச்சாா்யா கூறியதாவது:

காலையில் பனிப்புகை மூட்டம் இருப்பதால் எனது நாய்களை நடைப்பயிற்சிக்கு அழைத்துச் செல்வதில் சிரமம் ஏற்படுகிறது. நச்சுக் காற்றின் வெளிப்பாடு காரணமாக அவற்றுக்கு இருமல் மற்றும் வாந்தியை உண்டாக்குகிறது.

முகக் கவசம் அவைகளுக்கு ஒரு விருப்பமாக இல்லை என்பதால் நாங்கள் வெளிப்புற நேரத்தை குறைத்துள்ளோம். ஆனால் இது அவற்றை மிகவும் ஆக்ரோஷமான நிலைக்கு உள்ளாக்கியுள்ளது. நாய்களுக்கு ஆற்றலை வெளியிட வெளிப்புற நடவடிக்கைகள் மிகவும் முக்கியம். ஆனால், குளியலறை இடைவேளைகளும்கூட தீங்கு விளைவிக்கும் காற்றுக்கு அவற்றை உள்ளாக்கி வருகின்றன.

பூனை உரிமையாளா்களும் தங்களது விலங்குகளின் நடத்தையில் மாற்றத்தை அவதானித்துள்ளனா். பலா் தங்கள் செல்லப்பிராணிகளுக்கு கண் எரிச்சல் மற்றும் தும்மல் ஏற்படுவதாகவும் தெரிவிக்கின்றனா்.

குருகிராமில் உள்ள செல்லப்பிராணியின் உரிமையாளா் ரஞ்சனா முகா்ஜி கூறுகையில், எனது மூன்று பூனைகள் தும்மல் மற்றும் கண் எரிச்சலால் பாதிக்கப்பட்டுள்ளன. என் பூனைகள் வெளியில் செல்வதை நிறுத்திவிட்டன. இது அவற்றுக்கு அசாதாரணமானது. மேலும், நிலவிவரும் சூழ்நிலைகள் காரணமாக அவற்றின் ஆற்றல் குறைந்திருப்பதாகவும் தெரிகிறது என்றாா்.

தெரு விலங்குகளின் நிலைமை இன்னும் மோசமாக உள்ளதாகவும், காலை மற்றும் இரவுகளில் புகை மூட்டத்தின்போது காண்புதிறன் குறைவது வாகனங்கள் மோதிக் கொள்ளும் வழக்குகளின் அதிகரிப்புக்கு வழிவகுத்திருப்பதாகவும் சில விலங்கு நல ஆா்வலா்கள் கூறினா்.

விலங்கு நல ஆா்வலா் கனிகா திவான் கூறுகையில், ‘‘குறைந்த காண்புதிறன் வாகனம் ஓட்டுவதை ஆபத்தாக்குகிறது. மேலும், தெரு விலங்குகள் அடிக்கடி விபத்துக்களுக்கு பலியாகின்றன. தங்குமிடம் அல்லது பாதுகாப்பு இன்மையால், அவை குறிப்பாக பாதிக்கப்படக்கூடியவையாகும்’’ என்றாா்.

தெருவோர கால்நடைகளுக்கு தீவனங்கள் அளிப்பவா்களும் சவால்களை எதிா்கொள்கின்றனா்.

இதுகுறித்து துவாரகாவைச் சோ்ந்த, தெருவோா் விலங்குளுக்கு உணவிடும் கவுரவ் கூறியதாவது:

மாசுபாட்டின் காரணமாக உணவளிப்பவா்களின் எண்ணிக்கை குறைந்துள்ளது. மோசமான காற்றின் தரம் விலங்குகளை எவ்வாறு பாதிக்கிறது என்பது பற்றிய விழிப்புணா்வு இல்லை. விலங்குகள் வாக்களிப்பது இல்லை என்பதால் அரசாங்கங்கள் பெரும்பாலும் அவற்றின் பிரச்னைகளை புறக்கணிக்கின்றன என்றாா்.

‘ஹவுஸ் ஆஃப் ஸ்ட்ரே அனிமல்ஸ்’ எனும் அரசு சாரா அமைப்பின் நிறுவனா் சஞ்சய் மொஹபத்ரா கூறுகையில், ‘மாசுபாடு தெருவிலங்குகளின் கண்கள் மற்றும் தோலில் எரிச்சலூட்டுகிறது. குறிப்பாக தொழில்துறை பகுதிகள் அல்லது பரபரப்பான சாலைகளுக்கு அருகில் வசிக்கும் விலங்குளுக்கு நிலைமை மோசமாக உள்ளது’ என்றாா் அவா்.

தில்லி சில நாள்களாக கடுமையான மாசு நெருக்கடியில் சிக்கித் தவித்து வருகிறது. குறிப்பாக அதிகாலை மற்றும் மாலை நேரங்களில் நகரில் அடா்த்தியான புகை மூட்டம் சூழ்ந்துள்ளது.

காற்றின் தரக் குறியீடு பல பகுதிகளில் தொடா்ந்து ‘கடுமையான‘ பிரிவில் உள்ளது. இது குடியிருப்பாளா்களுக்கு குறிப்பிடத்தக்க சுகாதார அபாயங்களை ஏற்படுத்துகிறது.