ஐசிசி டி20 தரவரிசையில் 25 இடங்கள் முன்னேறிய வருண் சக்கரவர்த்தி, 2ஆம் இடத்தில் தி...
பல்லடம்: பல்லடம் அருகே ஆசிரியா் வீட்டின் பூட்டை உடைத்து ரூ.60 ஆயிரம் ரொக்கம், 2 வெள்ளி விளக்குகளை திருடிச் சென்ற மா்ம நபா்களை போலீஸாா் தேடி வருகின்றனா்.
பல்லடம் அருகே உள்ள கரைப்புதூா் ஊராட்சி அவரப்பாளையம் பகுதியைச் சோ்ந்தவா் அரவிந்த் (30). இவா் திருப்பூா் அருகே உள்ள தனியாா் பள்ளியில் ஆசிரியராக பணியாற்றி வருகிறாா்.
இந்நிலையில், குடும்பத்துடன் கடந்த சில நாள்களுக்கு முன்பு வெளியே சென்ற நிலையில், புதன்கிழமை வீடு திரும்பியுள்ளாா்.
அப்போது, வீட்டின் பூட்டை உடைக்கப்பட்டு கிடந்துள்ளது. உள்ளே சென்று பாா்த்தபோது பீரோவில் இருந்த ரூ.60 ஆயிரம் ரொக்கம், இரண்டு வெள்ளி விளக்குகள் ஆகியவை திருடுபோனது தெரியவந்தது.
இது குறித்து பல்லடம் போலீஸாருக்கு தகவல் தெரிவிக்கப்பட்டது. சம்பவ இடத்துக்கு வந்த போலீஸாா் ஆய்வு மேற்கொண்டனா்.
இச்சம்பவம் குறித்து வழக்குப் பதிவு செய்து விசாரணை நடத்தி வருகின்றனா்.
.png)
