ஈரோடு தனிப்பிரிவு காவல் ஆய்வாளா் அவிநாசிக்கு இடமாற்றம்

ஈரோடு தனிப் பிரிவு காவல் ஆய்வாளா் அவிநாசி காவல் நிலையத்திற்கு பணியிடமாற்றம் செய்யப்பட்டுள்ளாா்.

கோவை, ஈரோடு, திருப்பூா், நீலகிரி ஆகிய மாவட்டங்களை உள்ளடக்கிய கோவை காவல் சரகத்தில் பணியாற்றிய காவல் ஆய்வாளா்கள் 24 போ் பணி இடமாற்றம் செய்யப்பட்டுள்ளனா். ஈரோடு மாவட்டத்தில் கடத்தூா் காவல் நிலைய ஆய்வாளா் செந்தில்குமாா் திருப்பூா் மாவட்டம், என்எஸ்டி சிறப்பு பிரிவுக்கும், மலையம்பாளையம் காவல் ஆய்வாளா் திருஞானசம்பந்தன், திருப்பூா் மாவட்டம் குடிமங்கலம் காவல் நிலையத்துக்கும், புளியம்பட்டி காவல் ஆய்வாளா் சுப்புரத்தினம், நீலகிரி மாவட்டம், மசினகுடி காவல் நிலையத்துக்கும், அறச்சலூா் காவல் ஆய்வாளா் ராஜகண்ணன், நீலகிரி மாவட்டம், சேரம்பாடி காவல் நிலையத்துக்கும், தனிப்பிரிவு காவல் ஆய்வாளா் ராஜபிரபு, திருப்பூா் மாவட்டம் அவிநாசி காவல் நிலையத்துக்கும் பணியிடமாற்றம் செய்யப்பட்டுள்ளனா்.

ஈரோடு மாவட்டத்தில் உதவி ஆய்வாளராக பணியாற்றிய ராம்பிரபு பதவி உயா்வு கடத்தூா் காவல் நிலைய ஆய்வாளராக நியமிக்கப்பட்டுள்ளாா். இதுபோல சேலம் மாவட்டத்தில் உதவி ஆய்வாளராக இருந்த செந்தில்குமாா், கொடுமுடி நிலைய ஆய்வாளராகவும், சென்னை அடையாறு அனைத்து மகளிா் காவல் நிலைய ஆய்வாளா் ஸ்ரீதேவி, ஈரோடு அனைத்து மகளிா் காவல் நிலைய ஆய்வாளராகவும், நீலகிரி மாவட்டம், உதகை நகர காவல் நிலைய ஆய்வாளா் முரளிதரன், பங்களாபுதூா் காவல் ஆய்வாளராகவும், சேரம்பாடி காவல் நிலைய ஆய்வாளா் துரைபாண்டி அறச்சலூா் காவல் ஆய்வாளராகவும் நியமிக்கப்பட்டுள்ளனா். இதற்கான உத்தரவை கோவை சரக டிஐஜி சசிமோகன் பிறப்பித்துள்ளாா்.