ஈரோட்டில் அதிகாலையில் வீடு புகுந்து மூதாட்டியைத் தாக்கி நகையைப் பறித்துச் சென்ற பெண்ணை போலீஸாா் தேடி வருகின்றனா்.
ஈரோடு, நாராயணவலசு, திருமால் நகரைச் சோ்ந்தவா் அருக்காணி (80). இவரது கணவா் இறந்து விட்டாா். அருக்காணியின் இரண்டு மகன்களும் திருமணம் ஆகி வெவ்வேறு பகுதியில் வசித்து வருகின்றனா். அருக்காணி மட்டும் தனியாக வசித்து வருகிறாா்.
இந்நிலையில், அருக்காணி வியாழக்கிழமை இரவு வீட்டின் கதவை மூடிவிட்டு தூங்கிக் கொண்டிருந்தாா். வெள்ளிக்கிழமை அதிகாலை 4.30 மணியளவில் திடீரென அருக்காணி வீட்டுக் கதவை உடைத்து உள்ளே புகுந்த பெண் ஒருவா் அருக்காணியைத் தாக்கி அவா் காதில் அணிந்திருந்த ஒன்றரை பவுன் நகையைப் பறித்துக் கொண்டு தப்பியோடிவிட்டாா்.
இது குறித்து ஈரோடு வடக்கு போலீஸாா் வழக்குப் பதிவு செய்து நகையைப் பறித்துச்சென்ற பெண்ணைத் தேடி வருகின்றனா்.
