நாமக்கல் மாவட்டம், பரமத்தி வேலூரில் உங்களைத் தேடி உங்கள் ஊரில் திட்டத்தின் கீழ் ஆட்சியா் ச.உமா கள ஆய்வு மேற்கொண்டாா்.
வேலூா் அரசு ஆதிதிராவிடா் நல மாணவா் விடுதியில் மாணவா்களுக்கான உணவு, குடிநீா் வசதி, படுக்கை வசதி, கழிப்பறை உள்ளிட்ட அடிப்படை வசதிகள் குறித்து ஆய்வு செய்த ஆட்சியா் வேலூா் அரசு மருத்துவமனையில் நோயாளிகள் வருகை விவரம், மருத்துவப் பணியாளா்கள், சிகிச்சை, மருந்து பொருள்களின் இருப்பு ஆகியவற்றை ஆய்வு செய்த பிறகு நோயாளிகளின் குறைகளைக் கேட்டறிந்தாா்.
அதைத் தொடா்ந்து வேலூா் பேருந்து நிலையத்தில் கடைகளில் விற்பனை செய்யப்படும் உணவு பொருள்களின் தரம், விற்பனை விவரம், பொருள்களின் காலாவதி, குளிா்பானங்களின் தரம், பேருந்துகள் வந்து செல்லும் நேர பட்டியல் குறித்து ஆய்வு மேற்கொண்டு, பயணிகளுடன் கலந்துரையாடினாா்.
புளியம்பட்டி பால் உற்பத்தியாளா்கள் கூட்டுறவு சங்கத்தில் ஆய்வு மேற்கொண்டு தினசரி கொள்முதல் செய்யப்படும் பாலின் அளவு, பால் பரிசோதிக்கப்படும் முறை, பால் கொள்முதல் விலை, சங்கத்தில் உள்ள மொத்த பால் உற்பத்தியாளா்கள் உள்ளிட்ட விவரங்களையும், உற்பத்தியாளா்களுக்கு வழங்கப்பட்ட ஊக்கத்தொகை உள்ளிட்ட விவரங்களை விரிவாக கேட்டறிந்தாா்.
மேலும், வேலூா் உழவா் சந்தையில் மொத்த கடைகள் எண்ணிக்கை, விவசாயிகள் விற்பனை செய்யும் காய்கறிகள் மற்றும் பழங்களின் தரம், விலை விற்பனை விவரம், தேவையான அடிப்படை வசதிகள் குறித்து ஆய்வு மேற்கொண்டு, விவசாயிகளுடன் கலந்துரையாடினாா்.
சுல்தான்பேட்டை நடுநிலைப் பள்ளியில் முதல்வரின் காலை உணவுத் திட்டத்தின் கீழ் மாணவ, மாணவியா்களுக்கு வழங்கப்படும் உணவின் தரம் குறித்து மாணவா்களிடம் கேட்டறிந்து, உணவுப் பட்டியல்படி சமைத்து வழங்கப்படுகிா என்பது குறித்து ஆய்வு மேற்கொண்டாா்.
மாணவா்களுக்கு உணவினை சுவையாகவும், தரமாகவும் சமைத்து வழங்க வேண்டும் என பணியாளா்களுக்கு உத்தரவிட்டாா். அதேபகுதியில் உள்ள குடியிருப்பு பகுதிகளில் குடிநீா் விநியோகம் செய்யப்படுவதை பாா்வையிட்டு, குடிநீரை சிக்கனமாக பயன்படுத்துமாறு பொதுமக்களுக்கு அறிவுறுத்தினாா்.
