அதிமுக தலைமையில் மாபெரும் கூட்டணி: முன்னாள் அமைச்சா் பி.தங்கமணி

2026 சட்டப் பேரவைத் தோ்தலில் அதிமுக தலைமையில் மாபெரும் கூட்டணி அமையும் என்று முன்னாள் அமைச்சா் பி.தங்கமணி தெரிவித்தாா்.

நாமக்கல் மாவட்டம், ராசிபுரம் புதிய பேருந்து நிலையம் பகுதியில் அதிமுக மகளிரணி சாா்பில் அமைச்சா் க.பொன்முடியைக் கண்டித்து வெள்ளிக்கிழமை நடைபெற்ற ஆா்ப்பாட்டத்துக்கு தலைமை வகித்து அவா் பேசியதாவது:

திமுக ஆட்சியில் பெண்களுக்கு பாதுகாப்பு இல்லை. சட்டம்- ஒழுங்கு சீா்குலைந்துள்ளது. பெண்களை இழிவாகப் பேசியவா் இன்னும் அமைச்சரவையில் நீடிக்கிறாா். கடந்த மக்களவைத் தோ்தலில் அதிமுக தனித்து நின்றதால் குறைவான வாக்குகள் வித்தியாசத்தில் பல இடங்களில் வெற்றி வாய்ப்பை இழந்தது.

இப்போது, எடப்பாடி கே.பழனிசாமி தலைமையில் அதிமுகவுடன் மெகா கூட்டணி உருவாகி வருகிறது. 2026 பேரவைத் தோ்தலில் அதிமுக கூட்டணி வெற்றி பெற்று மீண்டும் எடப்பாடி கே.பழனிசாமி முதல்வராவது உறுதி என்றாா்.

முன்னாள் அமைச்சா் வெ.சரோஜா முன்னிலையில் நடைபெற்ற ஆா்ப்பாட்டத்தில் பங்கேற்ற அதிமுகவினா் அமைச்சா் பொன்முடியை கண்டித்து முழக்கங்களை எழுப்பினா்.

பரமத்தி வேலூா் சட்டப் பேரவை உறுப்பினா் சேகா், மாவட்ட அதிமுக அவைத் தலைவா் எஸ்.பி.கந்தசாமி, மகளிரணி செயலாளா் வைரம் தமிழரசி, மாவட்டப் பேரவைச் செயலாளா் இ.ஆா்.சந்திரன், நகர அதிமுக செயலாளா் எம்.பாலசுப்பிரமணியம், எம்ஜிஆா் இளைஞரணி மாவட்டச் செயலாளா் கே.பி.எஸ்.சுரேஷ்குமாா், மாவட்ட தகவல் தொழில்நுட்ப அணி செயலாளா் ஏ.வி.பி. முரளி, வழக்குரைஞா் பிரிவு செயலாளா் பரணிதரன், மாவட்ட வா்த்தக அணி இணைச் செயலாளா் பி.எஸ்.மோகன் உள்ளிட்ட பலா் ஆா்ப்பாட்டத்தில் பங்கேற்றனா்.