எம்ஜிஆா் பிறந்தநாள் விழா சிலைக்கு மரியாதை

அதிமுக நிறுவனரும், மறைந்த முன்னாள் முதல்வருமான எம்ஜிஆா் பிறந்தநாள் விழாவை முன்னிட்டு, திருச்சியில் உள்ள அவரது சிலைக்கு பல்வேறு கட்சியினா் வெள்ளிக்கிழமை மாலை அணிவித்து மரியாதை செலுத்தினா்.

திருச்சி புகா் தெற்கு மாவட்ட அதிமுக சாா்பில், பெல் நிறுவன நுழைவு வாயிலில் அமைந்துள்ள எம்ஜிஆா் சிலைக்கு, மாவட்டச் செயலா் ப. குமாா் தலைமையில், அதிமுகவினா் மாலை அணிவித்து மரியாதை செலுத்தினா். இதைத் தொடா்ந்து ஏழை, எளிய மக்களுக்கு அன்னதானமும், நலத்திட்ட உதவிகளும் வழங்கப்பட்டன.

நிகழ்வில், மாவட்ட அவைத்தலைவா் அருணகிரி, மாவட்ட அண்ணா தொழிற்சங்க செயலா் காா்த்திக், கலை பிரிவு செயலா் ராஜா உள்ளிட்ட பலா் கலந்து கொண்டனா்.

திருச்சி புகா் வடக்கு மாவட்ட அதிமுக சாா்பில், சோமரசம்பேட்டை பகுதியில் அமைந்துள்ள எம்ஜிஆா் உருவ சிலைக்கு, மாவட்டச் செயலா் மு. பரஞ்ஜோதி தலைமையில், அதிமுகவினா் மாலை அணிவித்து மரியாதை செலுத்தினா்.

தொடா்ந்து ஏழை, எளிய மக்களுக்கு அன்னதானமும் நலத்திட்ட உதவிகளும் வழங்கப்பட்டன. அமைப்புச்செயலா்கள் ஆா். மனோகரன், எஸ். வளா்மதி உள்ளிட்ட நிா்வாகிகள் பலா் கலந்து கொண்டு மரியாதை செலுத்தினா்.

திருச்சி நீதிமன்றம் அருகில் உள்ள எம்.ஜி.ஆா் சிலைக்கு மாவட்ட அதிமுக சாா்பில் மாவட்டச் செயலா் ஜெ. சீனிவாசன் தலைமையில் மாலை அணிவித்து மரியாதை செலுத்தப்பட்டது. இந்நிகழ்வில், நிா்வாகிகள்உள்ளிட்ட பலா் கலந்து கொண்டனா்.

அம்மா மக்கள் முன்னேற்றக் கழகத்தின் சாா்பில், மாவட்டச் செயலா் செந்தில்நாதன் தலைமையில், நிா்வாகிகள் மாலை அணிவித்து மரியாதை செலுத்தினா். இதேபோல, அதிமுக தொண்டா்கள் உரிமை மீட்புக் குழு, அண்ணா தொழிற்சங்கம் மற்றும் அதிமுக சாா்பு அணிகளின் சாா்பிலும், தமிழ்நாடு சோழிய வெள்ளாளா் சங்கம் உள்ளிட்ட பல்வேறு அமைப்பினா், கட்சியினா் நீதிமன்றம் அருகேயுள்ள எம்ஜிஆா் சிலைக்கு மாலை அணிவித்து மரியாதை செலுத்தினா். இதுமட்டுமல்லாது, மாநகரின் பல்வேறு இடங்களில் ஆங்காங்கே எம்ஜிஆா் உருவப்படத்துக்கு மரியாதை செலுத்தி அன்னதானம் வழங்கப்பட்டது. இலவச வேட்டி, சேலைகள் உள்ளிட்ட பல்வேறு நலத்திட்ட உதவிகளும் வழங்கப்பட்டன.