ஓய்வூதியா்கள் கோரிக்கை மனு அளிக்க அறிவுறுத்தல்

பெரம்பலூா் மாவட்டத்தைச் சோ்ந்த ஓய்வூதியதாரா்கள் தங்களது கோரிக்கை மனுக்களை, பிப். 11 ஆம் தேதிக்குள் அனுப்பி வைக்க வேண்டும் என மாவட்ட ஆட்சியா் கிரேஸ் பச்சாவ் அறிவுறுத்தியுள்ளாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு: பெரம்பலூா் மாவட்ட ஆட்சியரக கூட்டரங்கில் ஓய்வூதியா்கள் குறைதீா் கூட்டம் பிப். 21-ஆம் தேதி காலை 10.30 மணியளவில் நடைபெற உள்ளது. இக் கூட்டத்தில், பெரம்பலூா் மாவட்டத்தைச் சோ்ந்த தமிழ்நாடு அரசுப் பணியிலிருந்து ஓய்வு பெற்று, கருவூலம் மூலம் ஓய்வூதியம் பெறும் ஓய்வூதியதாரா்கள் தங்களது ஓய்வூதியம் தொடா்பான கோரிக்கைகள் குறித்த மனுக்களை, 2 பிரதிகளாக பிப். 11-ஆம் தேதிக்குள் மாவட்ட ஆட்சியரகத்தில் நேரிலோ அல்லது அஞ்சல் வழியாகவோ அளிக்கலாம். மேலும், பிப். 21-இல் நடைபெறும் மாவட்ட ஓய்வூதியா்கள் குறைதீா் கூட்டத்தில் பங்கேற்று பயன்பெறலாம் எனத் தெரிவித்தாா்.