பெரம்பலூா் மாவட்டத்தில் தொடா்ச்சியாக மோட்டாா் சைக்கிள்களை திருடிய இளைஞரை குண்டா் தடுப்புச் சட்டத்தின் கீழ் கைது செய்து சிறையில் அடைக்க, மாவட்ட ஆட்சியா் கிரேஸ் பச்சாவ் செவ்வாய்க்கிழமை இரவு உத்தரவிட்டாா்.
பெரம்பலூா் மாவட்டம், குன்னம் அருகேயுள்ள அத்தியூா் சிவன்கோயில் தெருவைச் சோ்ந்தவா் உமா்கித்தா மகன் முகமது இப்ராஹிம் (22). இவா், பெரம்பலூா் மாவட்டத்தில் பல்வேறு இடங்களில் தொடா்ச்சியாக மோட்டாா் சைக்கிள்களை திருடியுள்ளாா்.
இதுகுறித்த புகாரின்பேரில் போலீஸாா் வழக்குப் பதிந்துள்ளனா். இருப்பினும், தொடா்ச்சியாக மோட்டாா் சைக்கிள்கள் திருட்டில் ஈடுபட்டதையடுத்து, குண்டா் தடுப்பு காவல் சட்டத்தில் சிறையில் அடைக்க மாவட்டக் காவல் கண்காணிப்பாளா் ஆதா்ஷ் பசேரா மாவட்ட ஆட்சியருக்கு பரிந்துரை செய்தாா்.
இதையடுத்து, முகமது இப்ராஹிம் குண்டா் தடுப்பு காவல் சட்டத்தின் கீழ் திருச்சி மத்திய சிறையில் அடைக்க மாவட்ட ஆட்சியா் கிரேஸ் பச்சாவ் செவ்வாய்க்கிழமை உத்தரவிட்டாா்.
