பல்வேறு கோரிக்கைகளை வலியுறுத்தி, காமராஜா், மனோன்மணீயம் சுந்தரனாா், அன்னை தெரசா, அழகப்பா பல்கலைக்கழகங்களின் பேராசிரியா்கள் கூட்டமைப்பு (மூட்டா), பல்கலைக்கழக பேராசிரியா்கள் சங்கம் (ஏயுடி) சாா்பில் சனிக்கிழமை மதுரையில் சாலை மறியல் போராட்டத்தில் ஈடுபட்ட 260 பெண்கள் உள்பட 500-க்கும் மேற்பட்டோரை போலீஸாா் கைது செய்தனா்.
மதுரை ஆரப்பாளையம் அருகே நடைபெற்ற இந்தப் போராட்டத்துக்கு மூட்டா அமைப்பின் தலைவா் ஏ.டி. செந்தாமரைக் கண்ணன், ஏயுடி சங்கத்தின் தலைவா் காந்திராஜன் ஆகியோா் கூட்டுத் தலைமை வகித்தனா். கோரிக்கைகள் குறித்து மூட்டா அமைப்பின் பொதுச் செயலா் நாகராஜன், ஏயுடி சங்கத்தின் பொதுச் செயலா் கிருஷ்ணராஜ் ஆகியோா் பேசினா்.
அரசு உதவிபெறும் கல்லூரிகளில் பணியாற்றும் பேராசிரியா்களுக்கு பணி மேம்பாடு வழங்க வேண்டும் என அரசாணை வெளியிடப்பட்டு 4 ஆண்டுகள் நிறைவு பெற்றுள்ளன. ஆனால், இன்னும் அதற்கான ஊதியம் வழங்கவில்லை. பணி மேம்பாடு ஆணை வழங்குவது மட்டுமன்றி, அதற்கான ஊதியத்தையும் விரைந்து விடுவிக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்களை எழுப்பினா்.
இதையடுத்து அங்கு சென்ற கரிமேடு போலீஸாா் போராட்டத்தில் ஈடுபட்டவா்களை கலைந்து செல்லுமாறு அறிவுறுத்தினா். மறுப்புத் தெரிவித்து மறியல் போராட்டத்தில் ஈடுபட்டதால் 260 பெண்கள் உள்பட 500-க்கும் மேற்பட்ட பேராசிரியா்களை போலீஸாா் கைது செய்தனா். பின்னா், அவா்களை மாலையில் விடுவித்தனா்.
