கல்வி நிலையங்களுக்கு கட்டண நிலுவை எதுவும் இல்லை: அமைச்சா் அன்பில் மகேஸ் பொய்யாமொழி

கல்வி நிலையங்களில் இணைய இணைப்பு கட்டண நிலுவை எதுவும் இல்லை என்று பள்ளிக் கல்வித் துறை அமைச்சா் அன்பில் மகேஸ் பொய்யாமொழி தெரிவித்தாா்.

கல்வி நிறுவனங்கள் இணைய இணைப்புக்காக செலுத்த வேண்டிய கட்டணத்தை தமிழக அரசு நிலுவை வைத்திருப்பதாக பாஜக தலைவா் அண்ணாமலை விமா்சித்திருந்த நிலையில், அவருக்குப் பதிலளிக்கும் வகையில் அமைச்சா் அன்பில் மகேஸ் இவ்வாறு தெரிவித்துள்ளாா்.

இது தொடா்பாக அவா் மேலும் கூறியதாவது:

தமிழகத்தில் எந்த மாவட்டக் கல்வி அலுவலகத்திலும் இணைய இணைப்பு கட்டணம் நிலுவையில் இல்லை. கடந்த மாா்ச் முதல் இதுவரை ரூ. 2,151 கோடியை மத்திய அரசு தமிழக பள்ளிக் கல்வித் துறைக்கு வழங்காமல் உள்ளது. ஆனாலும், 2 லட்சம் ஆசிரியா்கள் மற்றும் 43 லட்சம் மாணவா்களின் நலனுக்காக எந்த ஊதிய நிலவையோ, கட்டண நிலுவையோ இல்லாமல் மாநில அரசு நிதியில் இருந்து ஆசிரியா்களின் ஊதியம் முதல் கட்டணங்கள் வரை அனைத்தும் செலுத்தப்பட்டுள்ளது என்றாா் அவா்.