சட்டங்களை மறுபரிசீலனை செய்ய வேண்டும்: உயா்நீதிமன்ற நீதிபதி ஜி.ஆா்.சுவாமிநாதன்

தற்போதைய காலகட்டத்துக்கு ஏற்ப சட்டங்களை மறுபரிசீலனை செய்ய வேண்டும் என்று சென்னை உயா்நீதிமன்ற மதுரை அமா்வு நீதிபதி ஜி.ஆா்.சுவாமிநாதன் தெரிவித்துள்ளாா்.

முன்னாள் ஐபிஎஸ் அதிகாரி பெ.கண்ணப்பன் எழுதிய ‘புலன் விசாரனை ஒரு கலை’ மற்றும் ‘சீா்திருத்தவா? சிறுமைப்படுத்தவா?’ எனும் 2 நூல்கள் வெளியீட்டு விழா சென்னை எழும்பூரில் ஞாயிற்றுக்கிழமை நடைபெற்றது.

இதில், சிறப்பு அழைப்பாளராகக் கலந்து கொண்ட நீதிபதி ஜி. ஆா்.சுவாமிநாதன் இந்த நூல்களை வெளியிட, அதன் முதல் பிரதியை சென்னை வடக்கு மண்டல காவல் துறை இயக்குநா் ஆஸ்ரா காா்க், சென்னை காவல் துறை முன்னாள் கூடுதல் இயக்குநா் சி.ஈஸ்வர மூா்த்தி உள்ளிட்டோா் பெற்றுக்கொண்டனா்.

மேலும், எழுத்தாளா் சு.நாராயணன் எழுதிய ‘தடம் பதித்த ஆளுமைகள்’ என்னும் நூலையும் நீதிபதி ஜி.ஆா்.சுவாமிநாதன் வெளியிட, அதன் முதல் பிரதியை ஓவியா் எம்.டிராட்ஸ்கி மருது பெற்றுக்கொண்டாா்.

தொடா்ந்து அவா் பேசியதாவது:

200 ஆண்டுகளுக்கு முன்பு எழுதப்பட்ட சட்டங்களை தற்போதைய காலகட்டத்தில் நடைமுறைப் படுத்துவதில் பல்வேறு சிக்கல்கள் உள்ளன. இதனால், காவல் துறை அதிகாரிகள் எவ்வளவு சிறப்பாக விசாரணை செய்தாலும், குற்றவாளிகளுக்கு தகுந்த தண்டனை வழங்குவதில் சிரமம் ஏற்படுகிறது. ஆகையால், இந்திய சட்டங்கள் அனைத்தையும் மறுபரிசீலனை செய்து, அவற்றில் தற்போதைய காலகட்டத்துக்கு ஏற்ப திருத்தங்கள் செய்ய வேண்டும் என்றாா் அவா்.