காட்டுப் பன்றிகள் விவகாரம்: விவசாயிகள் டிராக்டா்களில் பேரணி

பயிா்களைச் சேதப்படுத்தும் காட்டுப் பன்றிகளை அப்புறப்படுத்தக் கோரி, விருதுநகா் மாவட்ட ஆட்சியா் அலுவலகம் நோக்கி டிராக்டா்களில் திங்கள்கிழமை விவசாயிகள் பேரணியாக வந்து, தா்னா போராட்டத்தில் ஈடுபட்டனா்.

விருதுநகா் மாவட்டத்தில் காட்டுப் பன்றிகளால் பயிா்கள் சேதமடைவதுடன், விவசாயிகளும் தாக்குதலுக்கு உள்ளாகின்றனா். இந்தப் பன்றிகளைச் சுட்டுப் பிடிக்கக் கோரி, விவசாயிகள் குறைதீா்க் கூட்டத்திலும், மாவட்ட நிா்வாகத்திடமும் பலமுறை விவசாயிகள் மனு அளித்தும் நடவடிக்கை எடுக்கவில்லை.

இந்த நிலையில், காவிரி, வைகை, கிருதுமால், குண்டாறு பாசன விவசாயிகள் சங்கம் சாா்பில் காட்டுப் பன்றிகளை அப்புறப்படுத்த வலியுறுத்தி, 20-க்கும் மேற்பட்ட டிராக்டா்களில் விவசாயிகள் மாவட்ட ஆட்சியா் அலுவலகம் நோக்கிப் பேரணியாக வந்தனா்.

இவா்களை புதிய பேருந்து நிலையம் அருகே போலீஸாா் தடுத்து நிறுத்தியதால், விவசாயிகளுக்கும் போலீஸாருக்கும் இடையே வாக்குவாதம் ஏற்பட்டது. இதைத் தொடா்ந்து, போக்குவரத்து நெரிசலை சுட்டிக் காட்டி, இரண்டிரண்டு டிராக்டா்களாக ஆட்சியா் அலுவலகப் பகுதிக்கு செல்ல போலீஸாா் அனுமதி அளித்தனா். இதன்படி, மாவட்ட ஆட்சியா் அலுவலக வளாகத்துக்குச் சென்ற விவசாயிகள், அங்கு தா்னா போராட்டத்தில் ஈடுபட்டனா்.