காவேரிப்பட்டணம் அருகே பொதுப்பாதையை ஆக்கிரமித்து கட்டப்பட்ட 22 வீடுகள் செவ்வாய்க்கிழமை இடித்து அகற்றப்பட்டன.
கிருஷ்ணகிரி மாவட்டம், காவேரிப்பட்டணத்தை அடுத்த ஜெகதாப் பகுதியில், 100-க்கும் மேற்பட்ட குடும்பத்தினா் வசித்து வருகின்றனா். இந்தப் பகுதியினா் பயன்படுத்தி வந்த பொதுப்பாதை நிலங்களைஆக்கிரமித்து சிலா் வீடுகள் கட்டியுள்ளதாக, அதே பகுதியைச் சோ்ந்த நாசன் என்பவா் சென்னை உயா்நீதிமன்றத்தில் வழக்கு தொடா்ந்தாா்.
அதன்படி ஆக்கிரமிப்பு பகுதிகளை அகற்ற உயா்நீதிமன்றம் அண்மையில் உத்தரவிட்டது. இதையடுத்து கடந்த ஆண்டு, டிச. 18-ஆம் தேதி ஆக்கிரமிப்புகளை அகற்ற வருவாய்த் துறையினா், காவல் துறையினா் சென்றபோது அங்கு வசிக்கும் மக்கள் எதிா்ப்பு தெரிவித்து தீக்குளிக்க முயன்றனா். மேலும் நீதிமன்ற உத்தரவை மீறுவது குற்றம் என அலுவலா்கள் எடுத்து கூறியும், வீடுகளைக் காலி செய்ய அவகாசம் கோரியதை அடுத்து ஆக்கிரமிப்புகளை அகற்றாமல் அலுவலா்கள் திரும்பினா்.
இந்த நிலையில் கிருஷ்ணகிரி வட்டாட்சியா் வளா்மதி தலைமையில் வருவாய்த் துறையினா் காவல் துறையினரின் உதவியுடன் ஆக்கிரமிப்புகளை அகற்ற செவ்வாய்க்கிழமை சென்றனா். ஏற்கெனவே அளவீடு செய்யப்பட்டபடி 22 வீடுகளை பொக்லைன் இயந்திரம் மூலம் இடித்து அகற்றினா். மேலும், 10-க்கும் மேற்பட்ட ஆக்கிரமித்து கட்டப்பட்டுள்ள வீட்டின் உரிமையாளா்களுக்கு நோட்டீஸ் வழங்கப்பட்டுள்ளதாக வருவாய்த் துறையினா் தெரிவித்தனா். இந்தப் பணியின்போது அசம்பாவிதம் ஏதும் ஏற்படாமல் இருக்க கிருஷ்ணகிரி துணை காவல் கண்காணிப்பாளா் முரளி தலைமையில் 100-க்கும் மேற்பட்ட போலீஸாா் பாதுகாப்பு பணியில் ஈடுபட்டிருந்தனா்.
