காா் மோதியதில் கா்ப்பிணிப் பெண் காவலா் உயிரிழப்பு: ரூ. 25 லட்சம் நிவாரணம் அறிவிப்பு

புதுக்கோட்டை மாவட்டம், மண்டையூரில் வியாழக்கிழமை இருசக்கர வாகனத்தில் வந்த கா்ப்பிணிப் பெண் காவலா் காா் மோதியதில் சம்பவ இடத்திலேயே உயிரிழந்தாா்.

கீரனூா் அருகேயுள்ள பள்ளத்துப்பட்டியைச் சோ்ந்தவா் மணிகண்டன் மனைவி விமலா (28). இவா், மண்டையூா் காவல் நிலையத்தில் காவலராகப் பணிபுரிந்து வந்தாா். இவரது கணவா் சிங்கப்பூரில் பணியாற்றி வருகிறாா். இவா்களுக்கு 2 வயதில் ஒரு மகன் உள்ளாா். விமலா தற்போது 8 மாத கா்ப்பிணியாக உள்ளாா்.

அவா் வியாழக்கிழமை காலை தனது இருசக்கர வாகனத்தில் பணிக்காக காவல் நிலையம் நோக்கி வந்து கொண்டிருந்தாா். மண்டையூா் காவல் நிலையம் அருகேயுள்ள பெட்ரோல் பங்க் அருகே வந்தபோது, புதுக்கோட்டையிலிருந்து திருச்சி நோக்கிச் சென்ற காா் ஒன்று விமலா மீது மோதியது.

இதில் பலத்த காயமடைந்த விமலா அந்த இடத்திலேயே உயிரிழந்தாா். தகவலறிந்து வந்த மண்டையூா் காவல் நிலைய போலீஸாா், விமலாவின் சடலத்தைக் கைப்பற்றி, உடற்கூறாய்வுக்காக திருச்சி மகாத்மா காந்தி நினைவு அரசு மருத்துவமனைக்கு அனுப்பிவைத்தனா்.

விபத்து குறித்து வழக்குப் பதிவு செய்த மண்டையூா் போலீஸாா், காா் ஓட்டுநரான புதுக்கோட்டை நிஜாம் குடியிருப்பைச் சோ்ந்த வெனின் ராஜ் (30) என்பவரைப் பிடித்து விசாரித்து வருகின்றனா்.

ரூ. 25 லட்சம் நிவாரணம்- முதல்வா் அறிவிப்பு: காா் மோதி உயிரிழந்த காவலா் விமலாவின் குடும்பத்துக்கு ரூ. 25 லட்சம் நிவாரண நிதி வழங்க தமிழக முதல்வா் மு.க. ஸ்டாலின் உத்தரவிட்டுள்ளாா்.

இதுகுறித்து அவா் வியாழக்கிழமை வெளியிட்ட செய்திக்குறிப்பு: திருச்சி- புதுக்கோட்டை தேசிய நெடுஞ்சாலையில் காவல் நிலையப் பணிக்கு வந்த காவலா் விமலா (28) பின்னால் வந்த 4 சக்கர வாகனம் மோதி உயிரிழந்தாா் என்ற செய்தி கேட்டு வருத்தமும், துயரமும் அடைந்தேன்.

அவரது மரணம், காவல்துறைக்கும் அவரது குடும்பத்துக்கும் ஈடு செய்ய முடியாத இழப்பாகும். அவா்களுக்கு ஆழ்ந்த இரங்கலைத் தெரிவித்துக் கொள்வதுடன், விமலாவின் குடும்பத்துக்கு ரூ. 25 லட்சம் நிவாரண நிதி வழங்க உத்தரவிட்டுள்ளேன்.