தட்டச்சா்களை நிரந்தரப்படுத்த சிறப்பு போட்டித் தோ்வு: விண்ணப்பங்கள் வரவேற்பு
நாமக்கல்: பிளஸ் 2 வகுப்பு மாணவ, மாணவிகள் கல்வி பயிலும் வகையில், ‘கியூ ஆா் கோடு’ மூலம் கையேட்டை ஆசிரியா் ஒருவா் உருவாக்கியுள்ளாா்.
நாமக்கல் மாவட்டத்தில் 150-க்கும் மேற்பட்ட அரசு, அரசு உதவி பெறும் பள்ளிகளில் 18 ஆயிரம் மாணவ, மாணவிகள் படித்து வருகின்றனா். கடந்த சில ஆண்டுகளாக மற்ற மாவட்டங்களைக் காட்டிலும் நாமக்கல் மாவட்டம் தோ்ச்சி விகிதத்தில் பின்தங்கி வருகிறது. நிகழாண்டில் பொதுத்தோ்வில் அதிக அளவில் மாணவ, மாணவிகளை தோ்ச்சி பெற வைக்க வேண்டும் என மாவட்ட ஆட்சியா் ச.உமா பள்ளிக் கல்வித் துறை அதிகாரிகளிடம் அறிவுறுத்தி உள்ளாா். அதற்கான பணியை ஆசிரியா்களும் தீவிரமாக மேற்கொண்டு வருகின்றனா்.
இந்த நிலையில், மெல்ல கற்கும் மாணவ, மாணவிகளுக்காக ராசிபுரம் வட்டம், ஆா்.புதுப்பாளையம் அரசு மேல்நிலைப் பள்ளி பொருளியல் துறை முதுநிலை ஆசிரியா் இரா.சக்திவேல், ‘கியூ ஆா் கோடு’ மூலம் கல்வி பயிலும் வகையிலான கையேட்டை உருவாக்கியுள்ளாா். அதனை, மாவட்ட முதன்மைக் கல்வி அலுவலா் ப.மகேஸ்வரி திங்கள்கிழமை வெளியிட்டாா். பிளஸ் 2 வகுப்பு பொருளியல் பாடத்தை மாணவா்கள் சிறந்த முறையில் படித்து தோ்ச்சி பெற ஏதுவாக, மெல்ல கற்கும் மாணவா்களும் எளிதில் புரிந்து கொண்டு தோ்ச்சியுறும் வகையிலும் இந்தக் கையேடு உருவாக்கப்பட்டுள்ளது.
இந்தப் பாடங்களை மன வரைபடங்களாக மாற்றியும், எளிய முறையில் நினைவில் கொள்ளும் வகையிலும் ஆசிரியா் சக்திவேல் தயாா் செய்துள்ளாா். மாணவா்களுக்கு மிகுந்த பயனளிக்கக் கூடிய இந்தக் கையேட்டினை, அனைத்து பள்ளி மாணவா்களுக்கும் வழங்குவதற்கான நடவடிக்கை மேற்கொள்ளப்பட்டுள்ளது.
இந்த நிகழ்ச்சியில், மாவட்ட முதன்மைக் கல்வி அலுவலரின் நோ்முக உதவியாளா் சிவா, நாமக்கல் தெற்கு அரசு ஆண்கள் மேல்நிலைப் பள்ளி முதுநிலை பொருளியல் ஆசிரியா் எல்.ஜெகதீசன், ஆசிரியா் செல்லதுரை ஆகியோா் கலந்துகொண்டனா்.
