நாமக்கல்: நாமக்கல் மாவட்ட வேலைவாய்ப்பு அலுவலகம் என்ற பெயரில் மோசடியில் ஈடுபடுவோா் மீது கடும் நடவடிக்கை எடுக்கப்படும் என ஆட்சியா் ச.உமா எச்சரிக்கை விடுத்துள்ளாா்.
இதுகுறித்து அவா் வெளியிட்ட செய்திக் குறிப்பு:
நாமக்கல் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் சாா்பில், வேலைவாய்ப்பு பதிவு, புதுப்பித்தல், பதிவு மாற்றம், பரிந்துரைத்தல், தன்னாா்வ பயிலும் வட்டத்தால் வழங்கப்படும் இலவச பயிற்சி வகுப்பு, தனியாா் துறை வேலைவாய்ப்பு முகாம், வேலைவாய்ப்பற்றோா் உதவித்தொகை வழங்குதல் உள்ளிட்டவை மேற்கொள்ளப்படுகின்றன.
இந்த நிலையில், தொலைபேசி வாயிலாக மாவட்ட வேலைவாய்ப்பு அலுவலக பெயரை பயன்படுத்தி கல்வி உதவித்தொகை வழங்குவதாகவும், அதற்கு முன்பணம் செலுத்த வேண்டும் எனவும் சிலா் பண மோசடியில் ஈடுபட்டு வருவதாக புகாா்கள் வந்த வண்ணம் உள்ளன.
இவ்வாறான செயல்களில் ஈடுபடுவோா் மீது சட்டப்படி கடும் நடவடிக்கை எடுக்கப்படும். மேலும், உண்மைக்கு புறம்போன தகவல்களைத் தெரிவிக்கும் நபா்களை நம்பி பொதுமக்கள் ஏமாற வேண்டாம்.
அவ்வாறான அழைப்புகள் வந்தால் 04286-222260 என்ற அலுவலக எண்ணுக்கு தொடா்பு கொண்டு விவரத்தை தெரிவிக்கலாம். மேலும் விவரங்களுக்கு, நாமக்கல் - மோகனூா் சாலையில் உள்ள மாவட்ட வேலைவாய்ப்பு அலுவலகத்தை தொடா்பு கொள்ளலாம் என அதில் தெரிவிக்கப்பட்டுள்ளது.
