கும்பமேளா நெரிசல் எதிரொலி: கூட்ட மேலாண்மை நடவடிக்கைகளில் உ.பி. அரசு தீவிரம்

மகா கும்பமேளா நெரிசலில் சிக்கி 30 போ் உயிரிழந்த நிலையில், பக்தா்களின் பாதுகாப்பை உறுதி செய்வதற்கான முயற்சியாக சிறந்த கூட்ட மேலாண்மை நடவடிக்கைகள் உத்தர பிரதேச அரசால் முடுக்கிவிடப்பட்டுள்ளன.

மௌனி அமாவாசையை முன்னிட்டு திரிவேணி சங்கமத்தில் அகாடா துறவிகள் புனித நீராடும் பகுதியில் நுழைந்த அதிகமான பக்தா்களால் தள்ளுமுள்ளு ஏற்பட்டு, நெரிசலில் சிக்கியவா்களில் 30 போ் உயிரிழந்தனா்; 60 போ் காயமடைந்தனா்.

எதிா்பாா்த்ததைப்போல் அதிக எண்ணிக்கையில் வந்த பக்தா்கள் கூட்டத்தை நிா்வகிக்க மாநில பாஜக அரசு போதிய ஏற்பாடுகளை செய்யவில்லை என்று எதிா்க்கட்சிகள் கடுமையாக விமா்சித்தன. அடுத்து வரும் நாள்களில் இதுபோன்ற சம்பவங்கள் தொடராமல் இருக்க, சிறந்த முன்னேற்பாடுகளை திட்டமிட வேண்டும் எனவும் அவா்கள் வலியுறுத்தினா்.

வாகன தடை தொடரும்: இந்நிலையில், மகா கும்பமேளாவில் கூட்ட மேலாண்மை நடவடிக்கைகளை மாநில அரசு மேலும் தீவிரப்படுத்தியுள்ளது.

பக்தா்களின் கூட்டம் முழுமையாக வெளியேறும் வரை மேளா பகுதிக்குள்ள அத்தியாவசிய வாகனங்கள் மட்டுமே அனுமதிக்கப்படும் என்றும் பிரயாக்ராஜ் நகருக்குள் வெளி வாகனங்களுக்கு தடை தொடரும் என்றும் தெரிரிவிக்கப்பட்டுள்ளது.

முதல்வா் ஆலோசனை: நெரிசல் சம்பவத்தையடுத்து, முதல்வா் யோகி ஆதித்யநாத் தலைமையில் பிரயாக்ராஜ் மற்றும் அதனைச் சுற்றியுள்ள மாவட்டங்களின் ஆட்சியா்கள், காவல் துறை அதிகாரிகள் பங்கேற்ற ஆலோசனை கூட்டம் காணொலி காட்சி வாயிலாக புதன்கிழமை இரவு நடைபெற்றது.

அடுத்த சிறப்புக்குரிய புனித நீராடல் நாளான வசந்த பஞ்சமிக்கு (பிப். 3) தடையற்ற ஏற்பாடுகளை உறுதி செய்ய, பக்தா்களின் வசதி தொடா்பான ஒவ்வொரு அம்சங்களிலும் கூடுதல் கவனம் செலுத்த வேண்டும் என்று முதல்வா் யோகி ஆலோசனை கூட்டத்தில் அறிவுறுத்தினாா்.

இதையொட்டி, 2019-ஆம் ஆண்டு கும்பமேளாவின்போது பிரயாக்ராஜ் கோட்ட ஆணையராக பணியாற்றிய ஆசிஷ் கோயல், ஆக்ரா வளா்ச்சி ஆணையத்தின் முன்னாள் துணைத் தலைவா் பானு கோஸ்வாமி உள்ளிட்ட முன்னாள் மூத்த அதிகாரிகளை கும்பமேளா பணியில் மாநில அரசு ஈடுபடுத்தியுள்ளது. கூடுதலாக, 5 சிறப்புச் செயலா் நிலை அதிகாரிகளும் நியமிக்கப்பட்டுள்ளனா். இவா்கள் அனைவரும் பிப்ரவரி 12-ஆம் தேதி வரை பிரயாக்ராஜில் தங்கியிருந்து பணிகளை ஒருங்கிணைப்பா் என்று முதல்வா் யோகி கூறினாா்.

அண்டை மாவட்டங்களிலும் ஏற்பாடுகள்: மகா கும்பமேளாவுக்கு வரும் லட்சக்கணக்கான பக்தா்கள், பிரயாக்ராஜில் இருந்து 100-200 கி.மீ. தொலைவில் உள்ள வாரணாசி மற்றும் அயோத்திக்கு தரிசனத்துக்காகச் செல்கின்றனா். மேலும் பலா் சித்ரகூடம், மிா்சாபூருக்கும் பயணிக்கின்றனா்.

இந்த முக்கிய நகரங்களிலும் தொடா் கண்காணிப்பு மற்றும் முன்னெச்சரிக்கை நடவடிக்கைகள் உறுதி செய்யப்பட வேண்டும் என்று முதல்வா் அறிவுறுத்தினாா்.

தலைமைச் செயலா் ஆய்வு: உத்தர பிரதேச தலைமைச் செயலா் மனோஜ் குமாா் சிங், காவல் துறை இயக்குநா் பிரசாந்த் குமாா் ஆகியோா் வியாழக்கிழமை மகாகும்ப நகரில் நேரில் விசாரணை நடத்தினா். மேலும், மேளா பகுதியில் செய்யப்பட்டுள்ள ஏற்பாடுகளையும் அவா்கள் ஆய்வு செய்தனா்.

பௌஷ பௌா்ணமியான கடந்த ஜனவரி 13-ஆம் தேதி தொடங்கிய மகா கும்பமேளா, மகா சிவராத்திரி நாளான பிப். 26-ஆம் தேதி வரை நடைபெறுகிறது.

கடந்த புதன்கிழமை இரவு வரையில் இந்த பிரம்மாண்ட ஆன்மிக நிகழ்வில் பங்கேற்று புனித நீராடியவா்களின் எண்ணிக்கை 27.58 கோடியைக் கடந்துள்ளது.

மகா கும்பமேளாவில் கூட்டநெரிசலைத் தொடா்ந்து காணாமல் போன பலா் இன்னும் உறவினா்களுடன் சேரவில்லை என்ற தகவல் வெளியாகியுள்ளது.

நெரிசல் சம்பவத்தையடுத்து காணாமல் போனவா்களை கண்டறிந்து குடும்பத்தினருடன் சோ்க்கும் பணியில் நிா்வாகம் மும்முரமாக ஈடுபட்டுள்ளது.

பெட்டி 1.....

மீண்டும் தீ விபத்து

மகாகும்ப நகரில் கங்கை நதிக்கரையில் அமைந்த 22-ஆவது செக்டாரில் வியாழக்கிழமை நிகழ்ந்த தீ விபத்தில் சுமாா் 15 கூடாரங்கள் தீக்கிரையாகின.

தீ விபத்து குறித்து தகவலறிந்ததும் விரைந்து செயல்பட்டு தீயை அணைத்ததால் உயிா்ச்சேதம் எதுவும் எற்படவில்லை எனவும் உட்கோட்ட நடுவரின் (எஸ்டிஎம்) தகவலின்படி, தீக்கிரையான கூடாரங்கள் உரிய அனுமதியின்றி அமைக்கப்பட்டவை என்றும் தீயணைப்புத் தலைமை அதிகாரி பிரமோத் சா்மா தெரிவித்தாா்.