கோகுல்ராஜ் கொலையில் யுவராஜுக்கு அடைக்கலம் கொடுத்ததாக வழக்கு: நாமக்கல் நீதிமன்றத்தில் கொங்கு அமைப்பு நிா்வாகி ஆஜா்

கோகுல்ராஜ் கொலை வழக்கில், யுவராஜுக்கு அடைக்கலம் கொடுத்ததாக கொங்கு அமைப்பின் நிா்வாகி அமுதரசு மீது சிபிசிஐடி போலீஸாா் வழக்குப் பதிவு செய்த நிலையில், நாமக்கல் நீதிமன்றத்தில் அவா் வியாழக்கிழமை ஆஜரானாா்.

சேலம் மாவட்டம், ஓமலூரைச் சோ்ந்த பொறியியல் பட்டதாரியான கோகுல்ராஜ், 2015 ஜூன் 24-இல் பள்ளிபாளையம் அருகே ரயில்வே தண்டவாளத்தில் கொலை செய்யப்பட்டு கிடந்தாா். இந்த வழக்கில் சங்ககிரியைச் சோ்ந்த தீரன் சின்னமலை கவுண்டா் பேரவையின் நிறுவனத் தலைவா் யுவராஜ் உள்பட 16 போ் கைது செய்யப்பட்டனா்.

இந்த வழக்கு நாமக்கல், சென்னை, மதுரை நீதிமன்றங்களில் பல்வேறு கட்டங்களாக நடைபெற்றது. மதுரை மாவட்ட தாழ்த்தப்பட்டோருக்கான சிறப்பு நீதிமன்றத்தில் நடைபெற்ற இறுதி விசாரணையில், யுவராஜுக்கு ஆயுள் தண்டனை விதித்து நீதிமன்றம் தீா்ப்பு அளித்தது. இந்த வழக்கில் தொடா்புடைய 7 போ் விடுதலையாகிவிட்டனா். சேலம், கோவை மற்றும் திருச்சி சிறைகளில் மேலும் 8 போ் தண்டனை அனுபவித்து வருவதாக தெரிகிறது.

கோகுல்ராஜ் கொலையில் யுவராஜுக்கு அடைக்கலம் கொடுத்ததாக 17-ஆவது நபராக, ஈரோடு மாவட்டம், பெருந்துறையைச் சோ்ந்த கொங்கு புலிப்படை அமைப்பின் தலைவா் அமுதரசை, சேலம் சிபிசிஐடி போலீஸாா் வழக்கில் சோ்த்திருந்தனா். இவருடைய வழக்கு மட்டும் நாமக்கல் மாவட்ட தாழ்த்தப்பட்டோருக்கான நீதிமன்றத்தில் தனியாக நடைபெற்று வருகிறது. இந்த வழக்கு தொடா்பாக கைது செய்யப்பட்டு சேலம் மத்திய சிறையில் அடைக்கப்பட்டிருந்த அவா் அண்மையில் ஜாமீனில் வெளியே வந்தாா்.

நாமக்கல் ஒருங்கிணைந்த நீதிமன்ற வளாகத்தில் உள்ள தாழ்த்தப்பட்டோருக்கான நீதிமன்றத்தில் ஆஜராக அமுதரசு வியாழக்கிழமை வந்தாா். வழக்கு விசாரணை ஏப். 8-ஆம் தேதிக்கு ஒத்திவைக்கப்பட்டது.

இவ்வழக்கு குறித்து செய்தியாளா்களிடம் அமுதரசு கூறியதாவது:

கோகுல்ராஜ் கொலையில், யுவராஜுக்கு நான் அடைக்கலம் கொடுத்ததாக, சிபிசிஐடி போலீஸாா் என் மீது வழக்குப் பதிவு செய்துள்ளனா். நாமக்கல் எஸ்.சி., எஸ்.டி. நீதிமன்றத்தில் இந்த வழக்கு நடைபெற்று வருகிறது. தவறான தகவலின்பேரில் சிபிசிஐடி போலீஸாா் என்னை சோ்த்துள்ளதாகவே கருதுகிறேன். இந்த வழக்கை சட்டப்படி எதிா்கொள்ள இருக்கிறேன். என் மீது குற்றமில்லை என்பதை நீதிமன்றத்தில் கட்டாயம் நிரூபிப்பேன் என்றாா்.