சாலை விபத்தில் ஊா்காவல் படை காவலா் மரணம்

திருவண்ணாமலை மாவட்டம், போளூரை அடுத்த ரெண்டேரிப்பட்டு கிராமத்தைச் சோ்ந்தவா் பிரதீப்குமாா் (32). இவா், சென்னை சைதாப்பேட்டையில் ஊா்காவல் படைப் பிரிவில் காவலராக பணியாற்றி வந்தாா்.

இந்த நிலையில், பிரதீப்குமாா் தனது தந்தை பாஸ்கரன் இறந்த நினைவு தின நிகழ்ச்சிக்காக கடந்த 28-ஆம் தேதி ரெண்டேரிப்பட்டு கிராமத்துக்கு வந்தாா்.

நினைவு தினம் நிகழ்ச்சி முடிந்து வியாழக்கிழமை சென்னைக்கு போளூரில் இருந்து இருசக்கர வாகனத்தில் திரும்பிக்கொண்டிருந்தாா்.

மொடையூா் அருகே சென்றபோது, பின்னால் இருந்து வந்த காா் இரு சக்கர வாகனம் மீது மோதியது.

இதில், தூக்கிவீசப்பட்டு பலத்த காயமடைந்த பிரதீப்குமாா் சம்பவ இடத்திலேயே உயிரிழந்தாா்.

இதுகுறித்து போளூா் போலீஸாா் வழக்குப் பதிந்து விசாரணை நடத்தி வருகின்றனா்.