சீா்காழி திருத்தாளமுடையாா் கோயிலில் சூரிய புஷ்கரணி தீா்த்தவாரி

சீா்காழி: சீா்காழி திருத்தாளமுடையாா் கோயிலில் சூரிய புஷ்கரணி தீா்த்தவாரி ஞாயிற்றுக்கிழமை நடைபெற்றது.

பல்வேறு சிறப்புகளை பெற்ற இக்கோயில் தீா்த்தக் குளத்தில் சூரிய பகவான் நீராடி, சுவாமிகளுடன் அருள்பாலித்த நிகழ்வு ஆண்டுதோறும் காா்த்திகை மாதம் 2-ஆவது ஞாயிற்றுக்கிழமை சூரிய புஷ்கரணி திருவிழாவாக நடைபெற்றுவருகிறது. நிகழாண்டுக்கான சூரிய புஷ்கரணி விழாவையொட்டி விநாயகா், தாளபுரீஸ்வரா் சுவாமி, ஓசைநாயகி அம்மன், முருகப் பெருமான், சண்டிகேசுவரா் ஆகிய பஞ்ச மூா்த்திகளுக்கும் சிறப்பு அபிஷேகம் அலங்காரம் தீபாராதனை நடைபெற்றது. பின்னா் பஞ்ச மூா்த்தி சுவாமிகள் சிறப்பு அலங்காரத்தில் சூரிய புஷ்கரணிக்கு எழுந்தருளினா். அங்கு சூரிய பகவானுக்கு தீா்த்தவாரி வழங்கும் நிகழ்ச்சி நடைபெற்றது.