நடிகர் சூரி நடிக்கும் அடுத்தப் படத்தின் அறிவிப்பு வெளியாகியுள்ளது.
விடுதலை படத்திற்குப் பிறகு முழுநேர கதாநாயகனாக மாறிவிட்டார் நடிகர் சூரி. அதன் பின்னர் வெளியான கொட்டுக்காளி, கருடன், விடுதலை 2 ஆகிய படங்களில் அவர் நடிப்பு பேசப்பட்ட நிலையில் அந்தப் படங்களும் நல்ல வசூலைப் பெற்றன.
இந்த நிலையில், சூரியுடன் நடிகை ஐஸ்வர்யா லட்சுமி இணைந்து நடித்துள்ள மாமன் திரைப்படம் வருகிற மே 16 அன்று வெளியாகிறது.
இதற்கு அடுத்ததாக அவர் நடிக்கும் படத்தின் அறிவிப்பு இன்று வெளியாகியுள்ளது.
ஆர்.எஸ் இன்ஃபோடெயின்மெண்ட் நிறுவனத்தின் பெயரில் எல்ரெட் குமார் தயாரிக்கும் புதிய படத்தில் நடிகர் சூரி நடிக்கிறார்.
இந்தப் படத்தை இயக்குநர் வெற்றிமாறனிடம் உதவி இயக்குநராகப் பணிபுரிந்தவரும் ஜி.வி.பிரகாஷ் நடித்த செல்ஃபி படத்தின் இயக்குநருமான மதிமாறன் புகழேந்தி இயக்குகிறார்.
இப்படத்தின் தலைப்பு, முதல் பார்வை போஸ்டர் நாளை காலை 11.30-க்கு வெளியாகும் என்று அதிகாரப்பூர்வ அறிவிப்பை தயாரிப்பு நிறுவனம் வெளியிட்டுள்ளது.
