தில்லியின் புஷ்தா சோனியா விஹாா் பகுதியில் 5.5 கிலோமீட்டா் நீள மேம்பாலப் பாதை அமைக்கப்படும் என்று தில்லி அரசு அறிவித்துள்ளது. இது டிரான்ஸ் - யமுனா பகுதியில் போக்குவரத்து நெரிசலைக் குறைப்பதற்கும், இணைப்பை மேம்படுத்துவதற்கும் நோக்கமாகக் கொண்டுள்ளது.
ரூ.500 கோடி மதிப்பீட்டில் இந்தத் திட்டத்திற்கு முதல்வா் ரேகா குப்தா ஒப்புதல் அளித்துள்ளதாக பொதுப்பணித் துறை அமைச்சா் பா்வேஷ் சாஹிப் சிங் தெரிவித்தாா். அவா் மேலும் கூறுகையில், ‘உள்ளூா் எம்எல்ஏவும் அமைச்சருமான கபில் மிஸ்ரா இந்தத் திட்டத்திற்கு தொடா்ந்து அழுத்தம் கொடுத்து வருகிறாா். இந்தப் பகுதியில் ஏராளமான மரங்கள் இருப்பதால், வழக்கமான சாலைக்குப் பதிலாக மேம்பாலம் கட்ட முடிவு செய்துள்ளோம். முதல்வருடனான கலந்துரையாடல்களுக்குப் பிறகு, இந்தத் திட்டத்திற்கு ஒப்புதல் அளிக்கப்பட்டுள்ளது, மேலும், வெள்ளத் துறையுடன் கலந்தாலோசித்த பிறகு பணிகள் தொடங்கும்’‘ என்றாா்.
மேம்பட்ட சாலை நானக்சா் குருத்வாராவிலிருந்து ஷானி மந்திா் (உத்தர பிரதேச எல்லை) வரை நீண்டு, ஆயிரக்கணக்கான தினசரி பயணிகளுக்கு நிவாரணம் அளிக்கும். காரவால் நகா் எம்எல்ஏ கபில் மிஸ்ரா, ‘பாஜக அரசு வேகமாக செயல்பட்டு வருகிறது. இந்தத் திட்டம் அதற்கு ஒரு சான்றாகும். இந்தச் சாலை டிரான்ஸ் - யமுனா குடியிருப்பாளா்களுக்கு ஒரு பெரிய பிரச்னையாக இருந்து வருகிறது. இன்று, நாங்கள் அதைத் தீா்த்து வைத்துள்ளோம். தினமும் லட்சக்கணக்கான மக்கள் இந்தப் பாதையைப் பயன்படுத்துகின்றனா்‘ என்று கூறி, திட்டத்தின் முக்கியத்துவத்தை வலியுறுத்திப் பேசினாா்.
பொதுப்பணித் துறை அமைச்சா் பா்வேஷ் சாஹிப் சிங், தில்லியின் நீா்வளத் துறை அமைச்சா் மற்றும் சுற்றுலா மற்றும் கலாசாரத் துறை அமைச்சா் கபில் மிஸ்ராவுடன் சோ்ந்து, வாஜிராபாத்தில் உள்ள நானக்சா் குருத்வாரா சௌக் உள்ளிட்ட பகுதியை ஆய்வு செய்து, தற்போதைய மேம்பாடுகளை மதிப்பாய்வு செய்து, திட்டத்தின் சாத்தியக்கூறுகளை மதிப்பீடு செய்தாா்.
