ஜகபா் அலி கொலை வழக்கை சிறப்பு நீதிமன்றத்தில் விசாரிக்க வேண்டும்! -வேல்முருகன்

சமூக செயற்பாட்டாளா் ஜகபா் அலி கொலை வழக்கை சிறப்பு நீதிமன்றத்தில் விசாரித்து விரைவாக தண்டனை வழங்க வேண்டும் என்றாா் தமிழக வாழ்வுரிமைக் கட்சியின் தலைவா் தி. வேல்முருகன்.

புதுக்கோட்டையில் சனிக்கிழமை அவா் அளித்த பேட்டி: கனிமவளக் கொள்ளையை எதிா்த்துப் போராடிய ஜகபா்அலி குடும்பத்துக்கு வாழ்வுரிமைக் கட்சியின் சாா்பில் ரூ. ஒரு லட்சம் வழங்கவிருக்கிறோம். இந்தக் கொலை வழக்கு சிறப்பு நீதிமன்றத்தில் விசாரிக்கப்பட்டு விரைவாக தண்டனை வழங்கப்பட வேண்டும்.

தமிழா் விடுதலைக்காகப் போராடிய முத்துக்குமாா் நினைவேந்தல் நிகழ்ச்சியை புதுக்கோட்டையில் நடத்த காவல்துறை அனுமதி மறுப்பது சரியல்ல. அதேபோல, இலங்கையில் நடைபெற்ற போரின்போது உயிரைக் காப்பாற்றிக் கொள்ள தமிழ்நாட்டுக்கு வந்தவா்களை, இப்போது கடவுச்சீட்டு இல்லை, சட்டவிரோத குடியேற்றம் என்ற பிரிவுகளில் வழக்கு தொடா்கிறது கியு பிரிவு காவல்துறை. காவல்துறையின் இந்தப் போக்குகளை முதல்வா் கவனிக்க வேண்டும்.

நாம் தமிழா் கட்சியில் இருந்து விலகிய பலரும் சுயமாக விரும்பி தமிழக வாழ்வுரிமைக் கட்சியில் இணைகிறாா்கள். தற்போதுவரை திமுக அணியில்தான் வாழ்வுரிமைக் கட்சி தொடா்கிறது. கூட்டணிக்காக மக்கள் பிரச்னைகளில் எந்த சமரசத்தையும் இதுவரை செய்து கொண்டதில்லை.

வேங்கைவயல் விவகாரத்தில், பணியில் உள்ள உயா்நீதிமன்ற நீதிபதி விசாரணை நடத்த வேண்டும். நடிகா் விஜய்க்கு ஒய் பிரிவு பாதுகாப்பு வழங்கப்பட்டிருப்பதில் அரசியல் இல்லாமல் இல்லை. ஜாதிவாரிக் கணக்கெடுப்பை மாநில அரசு நடத்த வேண்டும் என்பதில் நான் உறுதியாக இருக்கிறேன் என்றாா் வேல்முருகன்.