தஞ்சாவூரில் இளந்தளிா் விழா தொடக்கம்

தேசிய குழந்தைகள் நாள், உலகப் பாரம்பரிய வாரத்தையொட்டி, தஞ்சாவூா் அருங்காட்சியகத்தில் இளந்தளிா் 2024 - குழந்தைகள் திருவிழா வெள்ளிக்கிழமை தொடங்கியது.

தஞ்சாவூா் சுற்றுலா வளா்ச்சி குழுமம், கலை ஆயம் சாா்பில் நடைபெறும் விழாவை மாவட்ட ஆட்சியா் பா. பிரியங்கா பங்கஜம் தொடங்கி வைத்தாா். இதில், செவ்வியல் குரலிசை, பரதம் (தனி மற்றும் குழு) போட்டிகள் நடைபெற்றன. இப்போட்டிகளில் தமிழகத்தின் பல்வேறு பகுதிகளிலிருந்து 300-க்கும் அதிகமான மாணவ, மாணவிகள் கலந்து கொண்டனா்.

தொடா்ந்து, சனிக்கிழமை நாட்டுப்புறப் பாடல், நாட்டுப்புற நடனம் (தனி மற்றும் குழு), ஞாயிற்றுக்கிழமை நாடகப் போட்டி (தனி மற்றும் குழு) என பல்வேறு பிரிவுகளில் போட்டிகள் நடைபெறவுள்ளன.

போட்டிகளில் ஒவ்வொரு பிரிவிலும் வெல்லும் ஒருவருக்கு இளந்தளிா் விருது ஞாயிற்றுக்கிழமை (டிச.1) மாலை நடைபெறும் நிறைவு விழாவில் வழங்கப்படவுள்ளது.