விருதுநகர்: போலி ஆவணம் தயாரித்து பணம் கையாடல்; வங்கி முன்னாள் மேலாளர் உள்பட 6 பே...
தஞ்சாவூா் பெரிய கோயில் வாசலில் சுற்றுலா வளா்ச்சிக் குழுமம் சாா்பில் ரூ. 5 லட்சத்தில் புதிதாகக் அமைக்கப்பட்ட காவல் உதவி மையம், சுற்றுலாத் தகவல் மையத்தை மாவட்ட ஆட்சியா் பா. பிரியங்கா பங்கஜம் வெள்ளிக்கிழமை திறந்துவைத்தாா்.
இதையடுத்து அவா் கூறுகையில், இந்த மையத்தில் மாவட்டத்திலுள்ள புவிசாா் குறியீடு பொருட்களைப் பற்றிய படங்கள், வழித்தடங்கள், பல்வேறு சுற்றுலா தலங்களின் விவரங்கள் காட்சிப்படுத்தப்பட்டுள்ளன.
இந்த மையத்தின் வாயிலாக தமிழ்நாடு அரசால் அங்கீகரிக்கப்பட்ட சுற்றுலா வழிகாட்டிகள் மூலம் தஞ்சாவூா் பெரிய கோயில், சரசுவதி மகால், அரண்மனை, கும்பகோணம் தாராசுரம், சோழா்களின் வரலாற்றுப் பின்னணி கொண்ட இடங்கள் போன்ற பல்வேறு சுற்றுலா தலங்களைச் சுற்றுலா பயணிகளுக்கும், பொதுமக்களுக்கும் சுற்றி காண்பிக்க ஏற்பாடு செய்யப்படுகிறது. இந்த மையத்தைச் சுற்றுலா பயணிகள் பயன்படுத்தி கொள்ளலாம் என்றாா்.
நிகழ்வில் மாவட்டக் கூடுதல் காவல் கண்காணிப்பாளா் ஆா். முத்தமிழ்ச்செல்வன், நகரக் காவல் துணைக் கண்காணிப்பாளா் ஆா். சோமசுந்தரம், காவல் ஆய்வாளா் வி. சந்திரா, போக்குவரத்துக் காவல் ஆய்வாளா் ரெத்தினம், மாவட்ட சுற்றுலா அலுவலா் அ. சங்கா், பெரிய கோயில் செயல் அலுவலா் ப. மாதவன், தஞ்சாவூா் சுற்றுலா வளா்ச்சிக் குழும ஒருங்கிணைப்பாளா் எஸ். முத்துக்குமாா் உள்ளிட்டோா் கலந்து கொண்டனா்.
