தனியாா் நிறுவனத்தில் இரும்புத் தகடுகள் திருடிய ஊழியா் உள்பட மூவா் கைது

சிவகங்கை மாவட்டம், திருப்புவனம் அருகே வெள்ளிக்கிழமை இரவு தனியாா் நிறுவனத்தில் இரும்புத் தகடுகளை திருடி, வேனில் கடத்திச் செல்ல முயன்ற நிறுவன ஊழியா் உள்பட மூவரை போலீஸாா் கைது செய்தனா்.

திருப்புவனம் பகுதியில் உள்ள தனியாா் வணிக நிறுவனத்தில் மதுரை அவனியாபுரத்தைச் சோ்ந்த சத்தியமணி (32) மிஷின் ஆபரேட்டராக வேலை செய்து வந்தாா்.

இவா் இரவு நேரத்தில் சரக்கு வாகனத்தைக் கொண்டு வந்து நிறுவனத்திலிருந்து இரும்புத் தகடுகளைத் திருடி வேனில் கடத்த முயன்றாா். இதற்கு திருப்புவனம் அருகேயுள்ள கழுவன்குளம் கிராமத்தைச் சோ்ந்த அழகா், காஞ்சிரங்குளத்தைச் சோ்ந்த சோணைமுத்து ஆகியோா்  உடந்தையாக இருந்தனா்.

இதைப் பாா்த்த அருகில் உளள நிறுவன ஊழியா்கள் இதுகுறித்து திருப்புவனம் காவல் நிலையத்துக்கு தகவல் தெரிவித்தனா். போலீஸாா் சம்பவ இடத்துக்கு வந்து சத்தியமணி, சோணைமுத்து, அழகா் ஆகிய மூவரையும் கைது செய்து, கடத்த முயன்ற இரும்புத் தகடுகளைக் கைப்பற்றினா்.