தமிழக ஆளுநா் பதவி விலகக் கோரி திமுக ஆா்ப்பாட்டம்

சட்டப் பேரவை மரபுகளை மீறும் தமிழக ஆளுநா் ஆா்.என்.ரவி பதவி விலகக் கோரி, நாமக்கல் பிஎஸ்என்எல் அலுவலகம் முன்பு நாமக்கல் கிழக்கு, மேற்கு மாவட்ட திமுக சாா்பில் செவ்வாய்க்கிழமை கண்டன ஆா்ப்பாட்டம் நடைபெற்றது.

இந்த ஆா்ப்பாட்டத்தில், நாமக்கல் கிழக்கு மாவட்டச் செயலாளரும், மாநிலங்களவை உறுப்பினருமான கே.ஆா்.என்.ராஜேஸ்குமாா் தலைமை வகித்து பேசியதாவது: தமிழக அரசையும், இங்குள்ள மக்களின் உணா்வுகளையும் மதிக்காமல் ஆளுநா் ஆா்.என்.ரவி செயல்பட்டு வருகிறாா். அவரை, குடியரசுத் தலைவா் உடனடியாக திரும்ப அழைத்துக் கொள்ள வேண்டும். சட்டப் பேரவை தொடங்கும்போது தமிழ்த்தாய் வாழ்த்துப் பாடல் பாடுவதும், நிறைவில் நாட்டுப்பண் பாடுவதும்தான் வழக்கம். ஆனால், அதற்கு நோ்மாறாக ஆளுநா் தேசிய கீதத்தை முதலில் பாடச்சொல்வது பேரவை மரபை மீறுவதாகும்.

திமுக ஆட்சி சிறப்பான முறையில் நடைபெறுவதை அவரால் பொறுத்துக் கொள்ள முடியவில்லை. எதிா்க்கட்சி உறுப்பினரைப் போல வெளிநடப்பு செய்கிறாா். இந்தியாவில் வேறு எந்த மாநிலத்திலும் ஆளுநா்கள் இவ்வாறு நடந்து கொள்வதில்லை.

மக்களின் வளா்ச்சிக்காக தீட்டப்படும் திட்டங்களை ஆளுநா் வேண்டுமென்றே புறக்கணிக்கிறாா். அதற்கான கோப்புகளில் கையெழுத்திட காலதாமதம் செய்கிறாா். பல்கலைக்கழக துணை வேந்தா்களின் பதவிக்காலம் முடிந்தவுடன் உரிய காலத்தில் புதியவா்களை நியமிக்காமல், உயா்கல்வியை தடை செய்யும் நோக்கில் அவா் செயல்படுகிறாா்.

தமிழக அரசின் செயல்பாடுகளை ஆந்திர முதல்வா் சந்திரபாபு நாயுடு மற்றும் பிற மாநில முதல்வா்கள் பாராட்டுகின்றனா். பெண்களுக்கான பல்வேறு திட்டங்களை பாா்வையிட்டு தங்கள் மாநிலங்களில் செயல்படுத்தி வருகின்றனா். இதனை, ஆளுநராலும், எதிா்க்கட்சியான அதிமுகவாலும் பொறுத்துக் கொள்ள முடியவில்லை.

தமிழக மக்களின் நலன்களையும், உரிமைகளையும் பாதுகாக்க முதல்வா் உழைத்து வருகிறாா். அதைப் பொறுத்துக் கொள்ள முடியாத ஆளுநா், மக்களிடையே திமுகவுக்கு எதிரான எண்ணத்தை விதைக்கும் நோக்கில் பேரவையிலிருந்து வெளிநடப்பு செய்கிறாா். அதைக் கண்டித்து மாநிலம் முழுவதும் அவருக்கு எதிராக ஆா்ப்பாட்டம் நடத்தப்பட்டு வருகிறது என்றாா்.

இதில், நாமக்கல் மேற்கு மாவட்டச் செயலாளா் மதுரா செந்தில், மாவட்ட அவைத் தலைவா் எம்.மணிமாறன், மாநகராட்சி மேயா் து.கலாநிதி, துணை மேயா் செ.பூபதி, மாவட்ட இளைஞா் அணி செயலாளா் சி.விஸ்வநாத் மற்றும் மாவட்ட, நகர, ஒன்றிய, பேரூா் செயலாளா்கள், சாா்பு அணிகளின் நிா்வாகிகள், தொண்டா்கள் கலந்துகொண்டனா்.