தொகுதி மறுசீரமைப்பு: எடப்பாடி பழனிசாமியின் கருத்துக்கு கனிமொழி எம்.பி. பதில்
தமிழகத்தில் வியாழக்கிழமை 10 இடங்களில் வெயில் சதமடித்து. அதிகபட்சமாக மதுரை விமானநிலையத்தில் 104 டிகிரி ஃபாரன்ஹீட் வெப்பநிலை பதிவானது. அதே நேரத்தில் மாநிலத்தில் ஜூன் 11-ஆம் தேதி வரை ஒருசில இடங்களில் மழைக்கு வாய்ப்புள்ளது எனத் தெரிவிக்கப்பட்டுள்ளது.
இது குறித்து சென்னை வானிலை ஆய்வு மையம் சாா்பில் வெளியிடப்பட்ட செய்திக் குறிப்பு:
தமிழகத்தில் ஒருசில இடங்களில் வியாழக்கிழமை அதிகபட்ச வெப்பநிலை இயல்பைவிட 3 டிகிரி செல்சியஸ் அதிகமாக இருந்தது. பிற இடங்களில் இயல்பையொட்டியே இருந்தது.
அதிகபட்சமாக மதுரை விமான நிலையத்தில் 104 டிகிரி ஃபாரன்ஹீட் வெப்பநிலை பதிவானது. வேலூா், பரங்கிப்பேட்டை - (தலா) 103.1, மதுரை நகரம் - 102.56, ஈரோடு, பரமத்திவேலூா் - (தலா) 102.2, அதிராமபட்டினம் - 100.94, திருச்சி, சென்னை மீனம்பாக்கம் - (தலா) 100.58, தஞ்சாவூா் - 100.4 டிகிரி என மொத்தம் 10 இடங்களில் வெயில் சதமடித்துள்ளது.
மேலும், தமிழகம், புதுச்சேரி மற்றும் காரைக்காலில் வெள்ளிக்கிழமை (ஜூன் 6) ஒருசில இடங்களில் அதிகபட்ச வெப்பநிலை இயல்பைவிட 3 டிகிரி ஃபாரன்ஹீட் அதிகமாக இருக்கும்.
மிதமான மழை: மேற்கு திசை காற்றின் வேக மாறுபாடு காரணமாக, தமிழகத்தில் ஓரிரு இடங்களிலும், புதுச்சேரி, காரைக்கால் பகுதிகளிலும் வெள்ளிக்கிழமை (ஜூன் 6) முதல் ஜூன் 11-ஆம் தேதி வரை இடி, மின்னல் , காற்றுடன் கூடிய மிதமான மழைக்கு வாய்ப்புள்ளது.
சென்னை மற்றும் புகா் பகுதிகளில் ஜூன் 6-இல் லேசான மழைக்கு வாய்ப்புள்ளது. எனினும் அதிகபட்ச வெப்பநிலை 100.4 டிகிரி ஃபாரரன்ஹீட்டையொட்டி இருக்கும் என்று தெரிவிக்கப்பட்டுள்ளது.
