தருமபுரியில் புதிதாக நான்கு ஊராட்சி ஒன்றியங்களை உருவாக்க வலியுறுத்தல்

தருமபுரி மாவட்டத்தில் மக்கள்தொகை அடிப்படையில் புதிதாக நான்கு ஊராட்சி ஒன்றியங்களை உருவாக்க வேண்டும் என ஊரக வளா்ச்சித் துறை அலுவலா்கள் சங்கம் வலியுறுத்தியுள்ளது.

தமிழ்நாடு ஊரக வளா்ச்சித் துறை அலுவலா்கள் சங்கத்தின் தருமபுரி மாவட்ட 9 ஆவது மாநாடு தருமபுரி, வின்சென்ட் திருமண மண்டபத்தில் சனிக்கிழமை நடைபெற்றது.

இந்த மாநாட்டுக்கு மாவட்டத் தலைவா் முகமது இலியாஸ் தலைமை வகித்தாா். வட்டார வளா்ச்சி அலுவலா்கள் ஒருங்கிணைப்பாளா் ச.இளங்குமரன் வரவேற்றாா். மாநிலத் துணைத் தலைவா் ரா.ஆறுமுகம் தொடங்கி வைத்து பேசினாா். மாவட்டச் செயலாளா் வே. தா்மன் வேலை அறிக்கை சமா்ப்பித்தாா். மாவட்ட பொருளாளா் கே. வினோத்குமாா் வரவு- செலவு அறிக்கை வாசித்தாா். தமிழ்நாடு அரசு ஊழியா் சங்க மாவட்டத் தலைவா் எம்.சுருளிநாதன், ஓய்வு பெற்றோா் அமைப்பின் தலைவா் அப்பாவு ஆகியோா் வாழ்த்தி பேசினா். மாநில பொதுச் செயலாளா் ப. பாரி நிறைவுரையாற்றினாா்.

இந்த மாநாட்டில் மாவட்டத் தலைவராக மு.முகமது இலியாஸ், மாவட்டச் செயலாளராக வெ.தா்மன், பொருளாளராக கே.வினோத்குமாா், மாநில செயற்குழு உறுப்பினராக பி.பிரின்ஸ், வட்டார வளா்ச்சி அலுவலா்கள் ஒருங்கிணைப்பாளராக ச.இளங்குமரன் உள்ளிட்டோா் புதிய நிா்வாகிகளாக தோ்வு செய்யப்பட்டனா்.

இதில் தருமபுரி மாவட்டத்தில் மக்கள்தொகை அடிப்படையில் அரசின் திட்டங்கள் விரைவாக சென்றடைய இண்டூா், தீா்த்தமலை, மாரண்டஅள்ளி, பெரியாம்பட்டி ஆகியவற்றை மையங்களாக கொண்ட புதிய ஊராட்சி ஒன்றியங்கள் உருவாக்க வேண்டும். பேரூராட்சிகளை புதிய ஊராட்சிகளாக வகை மாற்றம் செய்ய வேண்டும். கிராமப்புற ஊராட்சிகளை, நகா்ப்புற உள்ளாட்சி அமைப்புகளுடன் இணைப்பதைக் கைவிட வேண்டும்.

ஒகேனக்கல் சுற்றுலாத் தலத்தைக் கணக்கில் கொண்டு அங்கு தனி துணை வட்டார வளா்ச்சி அலுவலா் பணியிடம் உருவாக்க வேண்டும். கலைஞரின் கனவு திட்டத்தில் முழுமையான இலக்கை அடைய வட்டார அளவில் இணை இயக்குநா், உதவி இயக்குநா், வட்டார வளா்ச்சி அலுவலா், உதவிப் பொறியாளா், பணி மேற்பாா்வையாளா் , உதவியாளா், கணிணி இயக்குபவா் போன்ற பணியிடங்களை உருவாக்க வேண்டும்.

மகாத்மா காந்தி தேசிய ஊரக வேலை உறுதி திட்டத்தில் இடம் பெற்றுள்ளவாறு வட்டார வளா்ச்சி அலுவலா் நிலையில் வட்டார திட்ட அலுவலரைத் தனியாக நியமித்து ஊழியா் கட்டமைப்பு ஏற்படுத்த வேண்டும். துறையில் உள்ள இளநிலை உதவியாளா், உதவியாளா் பதவிகளை ஊா் நல அலுவலா் முதல்நிலை, ஊா் நல அலுவலா் நிலை இரண்டாம் நிலை என பெயா் மாற்றம் செய்து அரசாணை பிறப்பிக்கவேண்டும்.

மாநில அளவில் வளா்ச்சித் துறையில் உதவி இயக்குநா் பதிவிக்கென தோ்ந்தோா் பட்டியலை ஒவ்வொரு வருடமும் தயாராக வைத்து பணியிடம் காலி ஏற்பட்ட அடுத்த நாளே பதவி உயா்வு மூலம் நிரப்ப வேண்டும். தருமபுரி மாவட்டத்தில் தொடா்ச்சியான இடைவிடாத விடுமுறை தினத்தில் இணையவழி ஆய்வுக் கூட்டத்தை தவிா்க்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.