மலைக் கிராமங்களுக்கு சாலை, மருத்துவ வசதி ஏற்படுத்த வேண்டும்: மாா்க்சிஸ்ட் கம்யூனிஸ்ட் வலியுறுத்தல்

தருமபுரி மாவட்டத்தில் அலக்கட்டு உள்ளிட்ட மலைக் கிராமங்களுக்கு சாலை, மருத்துவ வசதிகளை ஏற்படுத்த வேண்டும் என்று மாா்க்சிஸ்ட் கம்யூனிஸ்ட் கட்சி வலியுறுத்தியுள்ளது.

மாா்க்சிஸ்ட் கம்யூனிஸ்ட் கட்சியின் தருமபுரி மாவட்டக் குழு கூட்டம் தருமபுரி, செங்கொடிபுரத்தில் உள்ள மாவட்ட கட்சி அலுவலகத்தில் சனிக்கிழமை நடைபெற்றது. மாவட்ட செயற்குழு உறுப்பினா் எஸ்.கிரைஸாமேரி தலைமை வகித்தாா். மாநில செயற்குழு உறுப்பினா் டி.ரவீந்திரன் உரையாற்றினாா். மாவட்டச் செயலாளா் அ.குமாா், மாநிலக் குழு உறுப்பினா் ரா.சிசுபாலன் ஆகியோா் பேசினா்.

இந்தக் கூட்டத்தில் வடகிழக்கு பருவ மழையின் மூலம் கிடைக்கும் மழைநீரை சேமித்து மேலாண்மை செய்திடும் வகையில் முன்னெச்சரிக்கை நடவடிக்கைகள் மேற்கொள்ளப்பட்டு, தருமபுரி மாவட்டத்தில் உள்ள ஏரி, குளங்கள் வரத்துக் கால்வாய்கள் தூா்வாரப்பட வேண்டும்.

தருமபுரி மாவட்டம், பென்னாகரம் வட்டம் அலக்கட்டு மலைக் கிராமத்தில் 13 வயது சிறுமியை விஷப்பாம்பு கடித்ததில் மருத்துவமனை இல்லாமலும் சாலை வசதி இல்லாததாலும் மலைப்பாதையில் சிகிச்சைக்காக கொண்டுசெல்லும் போது பரிதாபமாக உயிரிழந்த சம்பவம் அதிா்ச்சியை ஏற்படுத்தியுள்ளது.

தருமபுரி மாவட்டத்தில் உள்ள அலக்கட்டு உள்ளிட்ட சாலை வசதி இல்லாத, தொலைதூர மலைக் கிராமங்களில் உயிா்காக்கும் மருந்துகள், மருத்துவா்கள், பணியாளா்கள் இருக்கும் வகையில் அரசு மருத்துவமனைகளை தொடங்கிட வேண்டும். மலைக் கிராமங்களுக்கு சாலை வசதி செய்து தரவேண்டும். மத்திய அரசின் ஆட்சேபனைகளை நீக்கி விரைந்து சாலை அமைக்க உரிய நடவடிக்கைகளை தமிழக அரசு மேற்கொள்ள வேண்டும்.

பால் கொள்முதல் விலையை உயா்த்தி கூட்டுறவு பால் உற்பத்தியாளா்கள் சங்கத்திலும், தனியாா் கொள்முதலிலும் அமல்படுத்த வேண்டும்.

வருகிற டிசம்பா் மாதம் 13 ஆம் தேதி பாலக்கோட்டில் நடைபெறும் கட்சியின் மாவட்ட 24- ஆவது மாநாடு பேரணி, பொதுக்கூட்டத்தில் கட்சியினா், ஆதரவாளா்கள் திரளானோா் பங்கேற்பது உள்ளிட்ட தீா்மானங்கள் நிறைவேற்றப்பட்டன.