நடிகர் சூரி நாயகனாக நடிக்கும் மாமன் படத்தின் முதல் பார்வை போஸ்டர் இன்று (ஜன.17) மாலை வெளியாகிறது.
நடிகர் சூரி விடுதலை, கருடன், கொட்டுக்காளி படங்களைத் தொடர்ந்து விலங்கு இணையத் தொடர் மூலம் கவனம் ஈர்த்த இயக்குநர் பிரசாந்த் பாண்டியராஜ் இயக்கத்தில் சூரி நாயகனாக நடிக்கிறார்.
லார்க் ஸ்டூடியோஸ் தயாரிப்பில் உருவாகும் இப்படத்திற்கு, ‘மாமன்’ எனப் பெயரிட்டுள்ளனர். பிரபல இசையமைப்பாளர் ஹேஷம் அப்துல் வஹாப் இப்படத்திற்கு இசையமைக்கிறார்.
உறவுகளின் பின்னணியில் உருவாகும் இப்படத்தில் நாயகியாக ஐஸ்வர்யா லட்சுமி நடிக்க நடிகை ஸ்வாசிகா சூரியின் தங்கையாக நடிக்கிறார்.
லப்பர் பந்து படத்தின் மூலம் பிரபலமடைந்த ஸ்வாசிகா தமிழில் சூர்யா - 45 படத்திலும் நடித்து வருவது குறிப்பிடத்தக்கது.
படத்தின் முதல்பார்வை போஸ்டர் நேற்று (ஜன.16) வெளியாகுமென ஏற்கனவே அறிவிக்கப்பட்டு இருந்தது. ஆனால், வெளியாகவில்லை.
இந்த நிலையில் இன்று (ஜன.17) மாலை 5 மணிக்கு வெளியாகுமென படக்குழு தெரிவித்துள்ளது.
Get ready for the #Maaman first look unveiling today at 5 PM ✨#MaamanFirstLook@sooriofficial@p_santh@HeshamAWmusic@kumarkarupannan@AishuL_@DKP_DOP@g_durairaj@thecutsmaker@MaheshMathewMMS@dineshashok_13@thinkmusicindia@proyuvraajpic.twitter.com/jOOArdNIPz
— LARK STUDIOS (@larkstudios1) January 17, 2025
