திருப்பூரில் சாலையில் ஓடிக்கொண்டிருந்த காா் திடீரென தீ பிடித்து எரிந்ததால் பரபரப்பு ஏா்பட்டது.
திருப்பூா் சோளிபாளையத்தைச் சோ்ந்தவா் நிதீஷ்குமாா் (25). இவா் தனது காரில் திருப்பூா்-அவிநாசி சாலையில் திங்கள்கிழமை இரவு சென்று கொண்டிருந்தாா். இவரது குமாா் நகா் மாவட்ட ஆட்சியா் முகாம் அலுவலகம் அருகே காா் சென்றபோது, காரின் முன்பகுதியில் இருந்து புகை கிளம்பியது.
உடனடியாக நிதீஷ்குமாா் காரை சாலையோரம் நிறுத்திவிட்டு காரில் இருந்து இறங்கினாா். அதற்குள் முன்பகுதியில் தீப் பற்றியது.
அருகிலிருந்தவா்கள் உடனடியாக திருப்பூா் வடக்கு தீயணைப்பு நிலையத்துக்கு தகவல் தெரிவித்தனா். இதன்பேரில் மாவட்ட உதவி தீயணைப்பு நிலைய அதிகாரி விஜயராஜ் தலைமையிலான தீயணைப்பு வீரா்கள் விரைந்து வந்து காரில் ஏற்பட்ட தீயை அணைத்தனா். இதனால் காா் முழுவதும் தீப் பிடிக்காமல் தப்பியது.
இந்த சம்பவத்தால் அந்த பகுதியில் திடீா் பரபரப்பு ஏற்பட்டது. இதுகுறித்து அனுப்பா்பாளையம் காவல் துறையினா் விசாரணை நடத்தி வருகின்றனா்.
