திருமணம் செய்ய வற்புறுத்தி செவிலியருக்கு மிரட்டல்: எஸ்.பி.யிடம் புகாா்

திருமணம் செய்ய வற்புறுத்தி மிரட்டல் விடுக்கும் நபா் மீது நடவடிக்கை எடுக்கக் கோரி பாதிக்கப்பட்ட செவிலியா் வேலூா் மாவட்ட காவல் கண்காணிப்பாளரிடம் புகாா் தெரிவித்துள்ளாா்.

வேலூா் மாவட்ட காவல் அலுவலகத்தில் மக்கள் குறைதீா்க்கும் கூட்டம் புதன்கிழமை நடைபெற்றது. எஸ்.பி. என்.மதிவாணன் தலைமை வகித்து பொதுமக்களிடம் இருந்து மனுக்களை பெற்றாா்.

அப்போது, வேலூரைச் சோ்ந்த 25 வயது இளம்பெண் அளித்த மனுவில், நான் சென்னையில் உள்ள ஒரு தனியாா் மருத்துவமனையில் செவிலியராக பணியாற்றினேன். அப்போது சென்னையைச் சோ்ந்த உறவினரான இளைஞா் நட்பாக பழகினாா். அவா் தன்னை முறை பையன் எனக்கூறி என்னிடம் பழகினாா். அப்போது நானும் அவரும் சோ்ந்து எடுத்துக் கொண்ட புகைப்படங்களை ஊா் முழுவதும் காட்டி மிரட்டி என்னை திருமணம் செய்து கொள்ள வேண்டும் என வற்புறுத்துகிறாா். அவரது தொல்லை தாங்க முடியாமல் பணியை பாதியிலேயே விட்டுவிட்டு சொந்த ஊருக்கு வந்து விட்டேன்.

இந்நிலையில், ஆந்திராவில் உள்ள எய்ம்ஸ் மருத்துவமனையில் எனக்கு வேலை கிடைத்ததால் எனது தாயாரை அழைத்துக்கொண்டு அங்கு சென்றேன். எனது தந்தை மட்டும் சொந்த ஊரில் இருக்கிறாா். அந்த இளைஞா் எனது தந்தையை மிரட்டி, உனது மகளை எனக்கு திருமணம் செய்யாவிட்டால் ல் கொலை செய்துவிடுவேன் என்று மிரட்டுகிறாா். மேலும் அவா் பல கைப்பேசி எண்களில் இருந்து தொடா்பு கொண்டாா். நான் அதை தவிா்த்து விட்டதால் தற்போது எனது புகைப்படத்தை ஆபாச மாக சித்தரித்து வெளியிட முடியும் எனக்கூறி மன உளைச்சலையும், அச்சத்தையும் ஏற்படுத்துகிறாா். அவா் மீது நடவடிக்கை எடுக்க வேண்டும் என தெரிவிக்கப்பட்டுள்ளது.

குடியாத்தம் தரணம்பேட்டையைச் சோ்ந்த இளைஞா் அளித்துள்ள மனுவில், நான் ஏசி. மெக்கானிக்காக வேலை செய்து வருகிறேன். என்னிடம் மேலாலத்தூரைச் சோ்ந்த ஒருவா் ரூ.5 லட்சம் சீட்டு நடத்துவதாக கூறினாா். அதை நம்பி மாதந்தோறும் ரூ.20 ஆயிரம் செலுத்தினேன். எனது திருமணத்துக்காக ஏலச்சீட்டில் ரூ.4 லட்சத்து 51 ஆயிரம் எடுத்தேன். ஆனால் ரூ.50 ஆயிரம் மட்டும் கொடுத்தாா். மீதியுள்ள பணத்தை தரவில்லை. இதை பலமுறை கேட்டும் தராமல் ஏமாற்றுகிறாா். இதுதொடா்பாக காவல் நிலையத்தில் புகாா் அளித்தேன். காவலா்கள் முன்னிலையில் ஒரு மாதம் அவகாசம் கேட்டாா். ஆனால் அவகாசம் முடிந்தபிறகும் பணத்தை தரவில்லை. அவரை தொடா்பு கொண்டால் அழைப்பை எடுக்க மறுக்கிறாா். எனவே, எனக்கு சேர வேண்டிய பணத்தை மீட்டுத்தர வேண்டும் என தெரிவிக்கப்பட்டுள்ளது.

இதேபோல் பல்வேறு குறைகள் தொடா்பாக ஏராளமானோா் மனு அளித்தனா். அவற்றின் மீது விரைவாக நடவடிக்கை எடுக்க வேண்டும் என்று சம்பந்தப்பட்ட காவல் நிலைய போலீஸாருக்கு எஸ்பி மதிவாணன் உத்தரவிட்டாா்.