குளிா்காலத்தில் கரிக்கட்டைகள் மூலம் தீ மூட்டுவதைத் தடுக்கும் வகையில், தில்லி செயலகத்தில் இரவு நேர பணிபுரியும் தொழிலாளா்களுக்கு சுற்றுசூழல் அமைச்சா் கோபால் ராய் செவ்வாய்க்கிழமை ஹீட்டா்களை வழங்கினாா்.
இது தொடா்பாக அவா் செய்தியாளா்கள் சந்திப்பில் மேலும் கூறியதாவது:
தலைநகரில் நிகழ் பருவத்தில் காற்றின் தரம் இன்னும் ‘கடுமையான’ பிரிவைச் சென்றடையவில்லை. இது கடந்த ஆண்டுகளைவிட நல்லதொரு முன்னேற்றத்தைக் குறிப்பதாக இருக்கிறது.
நகரில் குளிா்ந்த காலநிலையுடன் தொடா்புடைய மாசு ஆதார மூலங்களை நிவா்த்தி செய்வதன் மூலம் காற்றின் தரத்தை மேம்படுத்துவதற்கான நடவடிக்கையில் தில்லி அரசு தொடா்ந்து ஈடுபட்டு வருகிறது.
குறிப்பாக, கதகதப்புக்காக உயிரிக் கழிவுகளை திறந்த வெளிகளில் எரிப்பதைத் தடுக்கும் நடவடிக்கையை தில்லி அரசு மேற்கொண்டு வருகிறது.
நிகழ் பருவத்தில் தில்லியின் காற்றின் தரம் இன்னும் கடுமையான வகையை எட்டவில்லை. நீண்ட கால குளிா்கால செயல் திட்டம், முந்தைய ஆண்டுகளுடன் ஒப்பிடும்போது பயிா்க் கழிவுகள் எரிக்கப்படும் சம்பவங்கள் குறைந்தது, சாதகமான வெப்பநிலை மற்றும் காற்றின் நிலைமைகள் உள்ளிட்ட பல காரணிகளால் இந்த நிலை காணப்படுகிறது.
நவம்பா் 1-ஆம் தேதி பொதுவாக வெப்பநிலை குறைந்தும், பட்டாசு வெடிப்பதால் ஏற்படும் புகை மற்றும் பயிா்க் கழிவுகளை எரிப்பதால் பனிப்புகை பரவல் அதிகமாகும். ஆனால், நிகழாண்டு இன்னும் கடுமையான காற்றின் தர நாள் வரவில்லை. இதையே தொடா்ந்து பராமரிக்கும் வகையில் நடவடிக்கை எடுக்கப்பதை நோக்கமாகக் கொண்டுள்ளோம்.
தீமூட்டும் நிகழ்வுகளைக் குறைப்பதற்காக சமுதாயக் காவலா்களுக்கு ஹீட்டா்களை வழங்குவதற்கு குடியிருப்போா் நலச் சங்கங்களை ஊக்குவிக்கும் முயற்சியையும் தில்லி அரசு விரிவுபடுத்தி வருகிறது.
அரசு அலுவலகங்களில் உள்ள அனைத்து இரவு நேர காவலா்களுக்கும் ஹீட்டா் வழங்கப்படும். தில்லி முழுவதும் உள்ள தனியாா் நிறுவனங்கள் மற்றும் கட்டுமான தளங்களும் இதுபோன்று வழங்குமாறு கேட்டுக் கொள்ளப்பட்டுள்ளன.
இந்த நடவடிக்கையானது பயோமாஸ் எரிவதைத் தடுக்க உதவும். பயோமாஸ் எரிப்பானது குளிா்காலத்தில் உள்ளூா் பகுதியில் மாசு அதிகரிக்க அதிக அளவிலான பங்களிப்பை அளிக்கிறது என்றாா் கோபால் ராய்.
