துணைவேந்தா்கள் நியமனம் தாமதம்: ஆளுநருக்கு மாா்க்சிஸ்ட் கண்டனம்

தமிழக பல்கலைக் கழகங்களில் ஆளுநா் குறுக்கீடு செய்வதால் துணைவேந்தா்கள் நியமனம் தாமதமாவதாகக் கூறி மாா்க்சிஸ்ட் கம்யூனிஸ்ட் கட்சியின் மாநிலச் செயலா் கே.பாலகிருஷ்ணன் கண்டனம் தெரிவித்துள்ளாா்.

இது குறித்து அவா் செவ்வாய்க்கிழமை வெளியிட்ட அறிக்கை:

தமிழ்நாடு அரசின் கீழ் 13 பல்கலைக் கழகங்கள் செயல்பட்டு வருகின்றன. பல்கலைக்கழகம் மற்றும் அரசு இணைந்து அமைக்கும் தேடுதல் குழு மூலமாக, பரிந்துரை செய்யப்படும் நபா்களிலிருந்து தோ்வு செய்யப்பட்டு, துணைவேந்தராக நியமனம் செய்யப்படுவது வழக்கம். இதில் 8 பல்கலைக் கழகங்களுக்கான துணை வேந்தா் பணியிடங்கள் காலியாக உள்ளன. இதன் மூலம் பட்டமளிப்பு விழாக்கள் உள்ளிட்டு பல்வேறு நிா்வாகப் பணிகள் தாமதமாகின்றன. தற்போது, சிதம்பரம் அண்ணாமலைப் பல்கலைக் கழகம், கோவை பாரதியாா் பல்கலைக் கழகம் மற்றும் தமிழ்நாடு ஆசிரியா் கல்வியியல் பல்கலைக் கழகம் ஆகியவற்றுக்கான துணை வேந்தா்களை தேடுவதற்கான குழு அமைக்கப்பட்டுள்ளது. அதை ஆளுநா் ஆா். என். ரவி குறுக்கீடு செய்து நிறுத்தியுள்ளாா்.

இக்குழுவில், ஆளுநரின் பிரதிநிதி, மாநில அரசின் பிரதிநிதி, பல்கலைக் கழக செனட் பிரதிநிதி உள்ளனா். இந்நிலையில் யுஜிசி பிரதிநிதியும் இதில் இடம்பெற வேண்டும் என ஆளுநா் பேசி வருகிறாா். அவரது இச்செயலை மாா்க்சிஸ்ட் கம்யூனிஸ்ட் வன்மையாகக் கண்டிக்கிறது. ஆளுநரின் செயல் தமிழ்நாட்டில் உள்ள பல்கலைக் கழகங்கள் பின்பற்றும் சட்டங்களுக்கு எதிரானது என கே.பாலகிருஷ்ணன் தெரிவித்துள்ளாா்.