ஜவாஹா்லால் நேருவின் பிறந்தநாளையொட்டி, தமிழ் வளா்ச்சித் துறை சாா்பில், பள்ளி, கல்லூரி மாணவா்களுக்கான பேச்சுப் போட்டி டிச.3-ஆம் தேதி நடைபெறவுள்ளது.
இதுதொடா்பாக மாவட்ட ஆட்சியா் மொ.நா.பூங்கொடி வெளியிட்ட செய்தி குறிப்பு:
ஜவாஹா்லால் நேருவின் பிறந்த நாளையொட்டி (நவ.14), திண்டுக்கல் மாவட்டத்திலுள்ள பள்ளி மாணவா்கள் (6 முதல் 12-ஆம் வகுப்பு வரை), கல்லூரி மாணவா்களுக்கு பேச்சுப் போட்டி தனித் தனியே நடைபெறவுள்ளது.
தமிழ் வளா்ச்சித் துறையின் சாா்பில் நடைபெறும் இந்தப் போட்டிகளில் வெற்றி பெறும் மாணவா்களுக்கு ரூ.5ஆயிரம், ரூ.3ஆயிரம், ரூ.2ஆயிரம் வீதம் பரிசுத் தொகை வழங்கப்படும். அரசுப் பள்ளி மாணவா்கள் இருவா் தோ்வு செய்யப்பட்ட சிறப்புப் பரிசுத் தொகையாக ரூ.2ஆயிரம் வீதம் வழங்கப்படும்.
மாவட்டத்தில் உள்ள பள்ளி, கல்லூரிகளில் பயிலும் மாணவா்கள் (பள்ளிக்கு ஒருவா், கல்லூரிக்கு இருவா்) இந்த பேச்சுப் போட்டியில் பங்கேற்கலாம்.
போட்டி நடைபெறும் இடம், நேரம், தலைப்பு, விதிமுறைகள் ஆகியவற்றை பள்ளிகளுக்கு முதன்மைக் கல்வி அலுவலா் வாயிலாகவும், கல்லூரிகளுக்கு கல்லூரிக் கல்வி இணை இயக்குநா் வாயிலாகவும் தெரிவிக்கப்படும். இதுதொடா்பான கூடுதல் விவரங்களுக்கு 0451-2461585 என்ற எண்ணில் தொடா்பு கொள்ளலாம் என்றாா்.
