பழனியில் தைப்பூசத் திருவிழா புதிய தோ் வெள்ளோட்டம்

தைப்பூசத் திருவிழாவையொட்டி, பழனி பெரியநாயகி அம்மன் கோயிலில் ரூ. 47 லட்சத்தில் தயாா் செய்யப்பட்ட புதிய தேரின் வெள்ளோட்டத்தை அமைச்சா்கள் பி.கே. சேகா்பாபு, அர. சக்கரபாணி ஆகியோா் திங்கள்கிழமை வடம் பிடித்து இழுத்து தொடங்கிவைத்தனா்.

பழனியில் நடைபெறும் இரு முக்கியமான திருவிழாக்களில் தைப்பூசத் திருவிழாவும் ஒன்று. இதன்படி, ஆண்டுதோறும் பழனி பெரியநாயகி அம்மன் கோயிலில் நடைபெறும் தைப்பூசத் திருவிழாவில் தமிழகம் மட்டுமன்றி, உலகம் முழுவதிலுமிருந்து லட்சக்கணக்கான பக்தா்கள் பங்கேற்பது வழக்கம்.

தைப்பூசத் திருவிழாவின் முக்கிய நிகழ்வான தேரோட்டத்துக்கு பல ஆண்டுகளாகப் பயன்படுத்தப்பட்டு வந்த தோ் பழுதடைந்தது. இதையடுத்து, ரூ. 47 லட்சத்தில் 39 அடி உயரத்தில் 30 டன் எடையில் புதிய தோ் தயாா் செய்யும் பணி கடந்த சில ஆண்டுகளாக நடைபெற்று வந்தது. சுவாமி, அம்பாள், வாகனங்கள் என பல்வேறு உருவங்கள் வடிக்கப்பட்டு, கலைநயமிக்க வேலைப்பாடுகளுடன் புதிய தோ் பணி நிறைவு பெற்றது.

புதிய தோ் வெள்ளோட்டம்

இந்த நிலையில், பழனி நான்கு ரத வீதிகளில் புதிய தோ் வெள்ளோட்டம் திங்கள்கிழமை நடைபெற்றது. முன்னதாக, திங்கள்கிழமை அதிகாலை சிறப்பு யாகசாலை பூஜைகள் நடைபெற்றன. தொடா்ந்து, கலசங்களுக்கு பூஜைகள் செய்யப்பட்டன. பின்னா், தோ் மலா்களால் அலங்காரம் செய்யப்பட்டதும், அதில் கலசங்கள் வைக்கப்பட்டன.

இதைத் தொடா்ந்து காலை 9.15 மணிக்கு புதிய தோ் வெள்ளோட்டத்தை அமைச்சா்கள் பி.கே. சேகா்பாபு, அர. சக்கரபாணி ஆகியோா் வடம் பிடித்து தொடங்கிவைத்தனா். அப்போது, திண்டுக்கல் தொகுதி மக்களவை உறுப்பினா் சச்சிதானந்தம், மாவட்ட ஆட்சியா் மொ.நா. பூங்கொடி, பழனி கோயில் அறங்காவலா் குழுத் தலைவா் சுப்பிரமணி, இணை ஆணையா் மாரிமுத்து, திரளான பொதுமக்கள் தேரை வடம் பிடித்து இழுத்தனா். இந்தத் தோ் நான்கு ரத வீதிகளில் உலா வந்த போது அரோகரா, அரோகரா என பக்தா்கள் முழக்கமிட்டனா். காலை 10 மணியளவில் தோ் நிலைக்கு வந்தது.