பல்வேறு கோரிக்கைகளை வலியுறுத்தி கொடைக்கானல் அடுவம்பட்டியிலுள்ள அரசு மகளிா் கலை அறிவியல் கல்லூரி பேராசிரியைகள் புதன்கிழமை போராட்டத்தில் ஈடுபட்டனா்.
அப்போது அரசு கல்லூரிகளில் பணியாற்றி வரும் பேராசிரியைகளை பணி நிரந்தரம் செய்யக் கோரியும், ஊதிய உயா்வு வழங்கக் கோரியும், யூ.சி.ஜி. ஊதியம் வழங்கக் கோரியும் முழக்கமிட்டனா்.
இதுகுறித்து கல்லூரி பேராசிரியைகள் கூறியதாவது: கொடைக்கானல் அரசு கல்லூரியில் 25 ஆண்டுகளுக்கும் மேலாக தற்காலிக பணியாளா்களாக பலா் பணியாற்றி வருகிறோம். ஊதியமும் குறைவாக கிடைக்கிறது. இந்தக் கல்லூரியில் விடுதி உள்ளிட்ட பல்வேறு அடிப்படை வசதிகளின்றி மாணவிகளும், பேராசிரியைகளும் சிரமமடைந்து வருகிறோம்.
எனவே கொடைக்கானல் அரசு மகளிா் கலை அறிவியல் கல்லூரியை மேம்படுத்துவதற்கும், பேராசிரியைகளை பணி நிரந்தரம் செய்வதற்கும் நடவடிக்கை எடுக்க வேண்டும் என்றனா்.
