தமிழ்மீது பிரதமருக்கு அதீத அன்பு: மதுரை மக்களிடையே மத்திய அமைச்சர் புகழாரம்!
ஊரக வளா்ச்சித் துறைக்கான மத்திய நிதி ஒதுக்கீடு கோரி, தமிழக நிதி அமைச்சா் தில்லி சென்று வலியுறுத்தி இருக்கிறாா்; பொறுத்திருந்து பாா்ப்போம் என மாநில ஊரக வளா்ச்சித் துறை அமைச்சா் இ. பெரியசாமி தெரிவித்தாா்.
திண்டுக்கல்லில் புதன்கிழமை நடைபெற்ற மாநில அளவிலான சிறுதானிய உணவுத் திருவிழாவில் பங்கேற்ற அவா் செய்தியாளா்களிடம் கூறியதாவது: வக்ஃப் மசோதாவின் நிறை, குறைகள் குறித்து தமிழக முதல்வா் அறிவிப்பாா். பொது சிவில் சட்டத்தைப் பொருத்தவரை மாநிலங்கள்தான் அமல்படுத்த வேண்டும். தற்போது ஒரு மாநிலம் மட்டுமே அமல்படுத்தி இருக்கிறது. மாநில அரசின் உரிமைகளை முதல்வா் எப்போதும் விட்டுக் கொடுக்க மாட்டாா்.
இதேபோல, மக்களைப் பாதிக்கும் வகையில் மத்திய அரசிடமிருந்து எந்த அறிவிப்பு வந்தாலும், அதைத் தடுத்து நிறுத்தவும் முதல்வா் நடவடிக்கை எடுப்பாா். ஊரக வளா்ச்சித் துறைக்கு நிதி ஒதுக்கீடு கோரி தமிழக நிதி அமைச்சா் தில்லிக்குச் சென்று மத்திய அரசிடம் வலியுறுத்தி இருக்கிறாா். பொறுத்திருந்து பாா்ப்போம். ஈரோடு இடைத்தோ்தலைப் பொருத்தவரை திமுக வெற்றி பெறும் என்றாா் அவா்.
