பாலம் அமைக்கக் கோரி ஆற்றில் இறங்கி போராட்டம்

பாலம் அமைக்கக் கோரி, சிம்மனபுதூா் ஊராட்சிக்குட்பட்ட காமராஜ் நகா் மக்கள் ஆற்றில் இறங்கி போராட்டம் நடத்தினா்.

திருப்பத்தூா் அதன் சுற்றுப்பகுதிகளில் தொடா் மழை காரணமாக காமராஜ் நகா் வழியாக செல்லும் சிற்றாற்றில் வெள்ளப் பெருக்கெடுத்து ஓடுகிறது. இதனால் அவ்வழியாக செல்லும் பள்ளி, கல்லுாரி மாணவா்கள், கிராம மக்கள் ஆபத்தான முறையில் ஆற்றைக் கடந்து செல்கின்றனா்.

இங்கு பாலம் அமைத்து தர வேண்டும் என அப்பகுதி மக்கள், அதிகாரிகளிடம் பலமுறை மனு வழங்கி உள்ளனா். ஆனால், எந்த நடவடிக்கையும் இல்லையாம்.

இதனால், கிராம மக்கள், மாணவா்கள் வெள்ளிக்கிழமை ஆற்றில் இறங்கி பதாகைகளை ஏந்தியவாறு பாலம் அமைத்து தரக் கோரி போராட்டத்தில் ஈடுபட்டனா் (படம்).

திருப்பத்தூா் கிராமிய போலீஸாா் போராட்டத்தில் ஈடுபட்டவா்களிடம் உரிய நடவடிக்கை எடுக்கப்படும் என உறுதியளித்ததன் பேரில், கலைந்து சென்றனா்.