புகையிலைப் பொருள், மதுப் புட்டிகள் வைத்திருந்த இருவா் கைது

போடியில் சட்டவிரோதமாக புகையிலைப் பொருள்கள், மதுப் புட்டிகளை விற்பனைக்கு வைத்திருந்த இருவரை போலீஸாா் புதன்கிழமை கைது செய்தனா்.

போடி பகுதியில் நகா் போலீஸாா் ரோந்துப் பணியில் ஈடுபட்டனா். அப்போது, சுப்புராஜ் நகா் புதுக் குடியிருப்புப் பகுதியில் உள்ள பெட்டிக்கடையில் சோதனையிட்டனா். அங்கு சட்டவிரோதமாக மதுப் புட்டிகளை விற்பனைக்கு வைத்திருந்தது தெரியவந்தது. இதையடுத்து, கடையின் உரிமையாளரான கணேசனை (63) போலீஸாா் கைது செய்தனா்.

இதேபோல, போடி பழைய பேருந்து நிறுத்தம் பகுதியில் உள்ள பெட்டிக்கடையில் சட்டவிரோதமாக புகையிலைப் பொருள்களை பதுக்கி வைத்து விற்பனை செய்த முருகனை (59) போலீஸாா் கைது செய்தனா்.