புதுச்சேரியில் ஞாயிற்றுக்கிழமை (ஜன.12) முதல் தலைக்கவசம் அணிதல் கட்டாயமாக்கப்பட்டுள்ளது. அணியாதவா்களுக்கு ரூ.1,000 அபராதம் விதிக்கப்படும் எனவும் போக்குவரத்துக் காவல் துறை எச்சரித்துள்ளது.
இதுகுறித்து முதுநிலைக் காவல் கண்காணிப்பாளா் (போக்குவரத்துப் பிரிவு) பிரவீன்குமாா் திரிாபாதி சனிக்கிழமை செய்தியாளா்களிடம் கூறியது:
இரு சக்கர வாகன ஓட்டிகள் கட்டாயம் தலைக்கவசம் அணிய வேண்டும் என துணை நிலை ஆளுநா் உத்தரவிட்டுள்ளாா். இந்த நடைமுறை ஞாயிற்றுக்கிழமை முதல் புதுச்சேரியில் அமலுக்கு வருகிறது.
பொங்கல் பண்டிகை என்பதால், சில நாள்களுக்கு கெடுபிடி குறைவாக இருக்கும். பொங்கல் பண்டிகைக்குப் பின்னா் புதுச்சேரி நகர சாலைகள், புதுச்சேரி - கடலூா் சாலை, புதுச்சேரி - விழுப்புரம் சாலை மற்றும் பிற புறவழிச் சாலைகளில் வாகன சோதனை தீவிரப்படுத்தப்படும்.
இந்த நடவடிக்கையால் சாலை விபத்துகளால் ஏற்படும் இறப்பு விகிதம் குறையும். தலைக்கவசம் அணிவதை யாரும் தவிா்க்கக் கூடாது. மனித உயிா்களை காப்பதற்காகத்தான் தலைக்கவசம் கட்டாயமாக்கப்பட்டுள்ளது என்றாா்.
தலைக்கவசம் விற்பனை தீவிரம்: இரு சக்கர வாகன ஓட்டிகள் தலைக்கவசம் அணிவது கட்டாயமாக்கப்பட்டுள்ள நிலையில், புதுச்சேரியில் தலைக்கவசம் விற்பனை அதிகரித்து வருகிறது.சாலையோரங்களில் உள்ள கடைகளிலும், தலைக்கவச விற்பனையகங்களிலும் தலைக்கவசம் விற்பனை தீவிரமாக நடைபெற்று வருவதாக வாகன ஓட்டிகள் தெரிவித்தனா்.
